khoob! -
27th November 2002, 09:55 PM
adaab romanceji....bahut achchi koshish hain aapki....ghazal ke khyaal hume pasand aaye......
gul mila gulzaar mila mil gaya saara jahan
sub kuch to hay mojood dil ka qarar ab nahin
...doosri line mein shayad aap yeh kehna chahte hain..."sub kuch to hay mojood dil BEQARAAR ab nahin" ?? .... gar humne galt samjhaa to maufi...bas hume lagaa ki sher ko aise badle to phir humari samajh me aata hain...
...baaki yeh ashaar padhke hum 'wah wah!' kahe the...
her pal chaha hay tujhay per woh piyar ab nahin
ho gayi hay raat dil ko intezaar ab nahin
kis haal main hoon main kisi ko kia perwa
aisay bay rukh bhi log meray yaar ab nahin
ghar say nikal aaye to hairan hay kyon dunya
yeh bhi to ho sakta hay hum beemar ab nahin
tumhara bicharna shayad muqadar main likha tha
qismat kay faislay say hamain inkaar ab nahin
tum kehti ho piyar karo gi zindagi ki kasam kha ker
aray nadaan hamain zindagi peh aitbaar ab nahin
...bahut khoob!....aashaa hai ki aap likhte rahenge...anamika...
ye jo ham hijr meiN deewaar-o-dar ko dekhte haiN
kabhee saba ko kabhee naamaabar ko dekhte haiN
woh aaye ghar meiN hamaare KHuda ki kudrat hai
kabhee ham unko, kabhee apane ghar ko dekhte haiN
nazar lage na kaheeN uske dast-o-baazoo ko
ye log kyoN mere zaKHm-e-jigar ko dekhtaiN haiN ?
|