sagar sahab
sab se pahley to maiN aap ko is bazm meiN Khushaamded kahtaa huN. aap kaa kalaam paDhaa aur phir apne taasuraat dene chalaa aayaa............jaisaa ke aap ne kahaa hai ke aap abhii abhii sher kahney lagey haiN. lekin aap ke sher paDh kar lagtaa hai ke shauq aap ko der se haii. kyuNkey aap kaa har sher bahr meiN hai......
kuchh baateiN maiN arz karnaa chaahata huN......
aap kaa matlaa qaafiye ke lihaaz se Theek hai, lekin us ke baad aap ne rote, pirotey........ke silsiley ko jaarii nahiiN rakhaa .
ye shart laazmii hai.......aap ke matley ke baad har sher ko in alfaaz par khatm honaa chaahiyee thaa.
rotey chaley gaye
pirotey chaley gaye
dhotey chaley gaye.
sotey chaley gaye.
bhigotey chaley gaye.......waGheraa waGheraa.
kal shab tumhare naam pe rote chale gaye
aansu ke zevaraat pirote chale gaye
>.......achaa sher hai, lekin zevaraat piroye nahiiN jaatey. aap is ko yuuN kahiiye.
sheroN meiN aaNsuoN ko pirotey chaley gaye.
merey Khyaal meiN aap is Ghazal ko jaisaa mainey bataayaa hai, Theek kar ke dobaaraa likhiiye. aap meiN qaabiliiyat maujood hai.
Feroz