Tanhaa Hai Jo Khud.. Woh Tanhaai Hoon Mein..

[Aashique]

Bhule Bisre Waqt Ki Parchaayi Hoon Mein..
Har Jehan Se Bhulaai Gayi Sachhai Hoon Mein..

Gilaa Nahi Shikva Nahi .. Ab Mujhe Kisise..
Tanhaa Hai Jo Khud.. Woh Tanhaai Hoon Mein..

Tapish Hai Aankhon Me..
Awaaz Nahi Dhadkano Me..
Khwaab Nahi Hai Needon Me..
Vishwaas Nahi Hai Waadon Me..
Ant Nahi Hai Jiska Koi..
Woh Ladaai Hoon Mein,.,

Bhule Bisre Waqt Ki Parchaayi Hoon Mein..
Har Jehan Se Bhulaai Gayi Sachhai Hoon Mein..

Aur Kitna Sangharsh Hai Jeevan Me..
Aur Kitni Jung Hai Saaqee...
Kab-Talak Har Mod Pe Mein Parkha Jaaooga..
Aur Kitne Imtihaan Hai Baaqee..
Man Mera Ab Ghabra Raha Hai..
Uljhaano Ke Andhero Me..
Kal Bhi Tanhaa Tha Aashique..
Aaj Bhi Akelaa Hoon Mein
Us Khudaa Ki
Naa-Khudaai Hoon Mein..

Bhule Bisre Waqt Ki Parchaayi Hoon Mein..
Har Jehan Se Bhulaai Gayi Sachhai Hoon Mein..

Gilaa Nahi Shikva Nahi .. Ab Mujhe Kisise..
Tanhaa Hai Jo Khud.. Woh Tanhaai Hoon Mein..