Shayri.com  

Go Back   Shayri.com > Shayri > Shayri-e-Dard

Reply
 
Thread Tools Rate Thread Display Modes
agar tum na mili...
Old
  (#1)
romance
Registered User
romance will become famous soon enoughromance will become famous soon enough
 
Offline
Posts: 305
Join Date: Jul 2002
Rep Power: 23
agar tum na mili... - 22nd July 2004, 10:57 PM

agar tum na mili...

to main din ka her pal tumhaari yaad main guzar doon ga
kyonkeh un yaadon kay siwa meray pass kuch hoga hi nahin
meri soch ka mehwar tumhaari hi zaat hogi
kyonkeh meray pass kuch aur sochnay ko hoga hi nahin
her raat main chand say batain kiya karon ga
tumhaari batain
main chaand ko bataon ga keh hum kaisay milay
kaisay hum aik dosray ko bay inteha chahnay lagay
aur phir kaisay hum juda howay
main chaand say pochoon ga
kia tum bhi mujhay aisay hi yaad kerti ho?
aisay hi din raat meri yaad main bitati ho?
chand kahay ga nahin
tum to apni choti si dunya main magan ho
tumhain to mera khayal hi nahin aata
tanhaayi to bus sirif meray liye hay
meray hi naseeb main likha hay
umar bhar ka rona
tum to buhut khush ho

agar tum na mili...

to main aksar samundar kay kinaray betha karon ga
haan wohi sumandar
jo tumhain buhut acha lagta hay
aur mujhay bhi
aur ghanton samundar ko dekha karon ga
lehron ka aana aur jaana
bachon ka rait kay gharonday banana
aur un gharondon ka lehron main beh jana
bus aisay hi din ko shaam karoon ga
phir jub raat ko samundar weeran hoga
to us ki weerani meri weerani kay agay
kuch nahin hogi
kyonkeh samundar ki weerani main to aik duniya basi hay
aur meri weerani...
meri weerani main to kuch nahin
kuch bhi nahin
sirif tum
aur tumhaaari batain
tumhaari yadain
tumhaari ankhain
tumhaari sansain
aur kuch nahin
samundar say main poochon ga
kia tum bhi ander say itni weeran ho
samundar kahay ga nahin
tum to aksar yahan aati ho
aur woh tumhain hansta muskarata dekhta hay
jaisay main kabhi tumhari zindagi main aaya hi nahin
tumhain to weerani chu ker bhi nahin guzri
weeran rehna to mera muqaddar hay

agar tum na mili...

to main apnay ghar ko pholon say saja doon ga
wohi phool
jo tumhain pasand hain
woh phool mujhay tumhaaray honay ka ehsaas dilayain gay
main samjhoon ga keh tum yaheen ho
abhi achanak say aao gi
aur mujhay chonkao gi
aur jab main khafa honga
to piyar say meri baanhon main aa jao gi
magar yeh banhain to khali hain
aur khali hi rahain gi
in main tumhaaray honay ka ehsaas to rahay ga
magar kabhi tum nahin hogi
aur main in khali baahon kay saath
aahain bherta rahon ga
keh zindagi main aahon kay siwa
ab kuch bhi nahin
tum jo nahin
to kuch bhi nahin
   
Reply With Quote
Isshe kehte hain Sachha Pyaar.......
Old
  (#2)
Shimul
*Ishq~Ibadat.......**
Shimul is a glorious beacon of lightShimul is a glorious beacon of lightShimul is a glorious beacon of lightShimul is a glorious beacon of lightShimul is a glorious beacon of light
 
Shimul's Avatar
 
Offline
Posts: 8,716
Join Date: Jun 2003
Location: Aapne Sanam Ko Yaad Kiya Sar Jhuka Liya**
Rep Power: 33
Isshe kehte hain Sachha Pyaar....... - 22nd July 2004, 11:14 PM

Aadaab,
Mere aapne hi shayad yeh keh rahe ho, youn laga mujhe. And how I felt, don't know...baas dard ko mehsoos karne ki kowshish ki hain. Dard hi dard...Phir bhi Dil ko beinteha achha laga, ab yeh kyun aisa hain woh main baata nahin sakti. Dil ki gehraion se nikli houi Daad kubool kijiyega...bohot bohot shukriya bhi aada karna chahti houn aur haal~e~dil bayan karne ke liye aur sabhi se isshe share karne ke liye bhi dilse shukriya. Younhi likhte rahiyega. Duwa rahegi...khush rahiye yeh Duwaon ke sath ijaazat chahoungi. Aapna khayal rakhiyega. God bless you. Allah Hafiz.

Keep smilling.......


*Aapni Parwaaz-e-Takhayyull Hain Zamane Se Juda
Jiss Jagah Koyi Na Pahuncha Wahaan Tak Pahunche
Main Samajhta Huun Harr Dil Mein Khuda Rehta Hain
Mera Paigam Mohabbat Hain Jaahan Tak Pahunche**
*~~~Ahsan Sherazi Jee~~~**

*Pure Love**

Last edited by Shimul; 22nd July 2004 at 11:22 PM..
   
Reply With Quote
Old
  (#3)
romance
Registered User
romance will become famous soon enoughromance will become famous soon enough
 
Offline
Posts: 305
Join Date: Jul 2002
Rep Power: 23
24th October 2017, 10:36 AM

tum duur thay
to kia howa
tum mil gaye
to kia howa
weeraniya
kum na howein
tanha tha main
tanha raha
   
Reply With Quote
Old
  (#4)
sunita thakur
Moderator
sunita thakur is the among the best Shayars at Shayri.comsunita thakur is the among the best Shayars at Shayri.comsunita thakur is the among the best Shayars at Shayri.comsunita thakur is the among the best Shayars at Shayri.comsunita thakur is the among the best Shayars at Shayri.comsunita thakur is the among the best Shayars at Shayri.comsunita thakur is the among the best Shayars at Shayri.comsunita thakur is the among the best Shayars at Shayri.comsunita thakur is the among the best Shayars at Shayri.comsunita thakur is the among the best Shayars at Shayri.comsunita thakur is the among the best Shayars at Shayri.com
 
sunita thakur's Avatar
 
Offline
Posts: 15,199
Join Date: May 2006
Location: Chandigarh (Mohali)
Rep Power: 63
26th October 2017, 02:38 PM

Quote:
Originally Posted by romance View Post
tum duur thay
to kia howa
tum mil gaye
to kia howa
weeraniya
kum na howein
tanha tha main
tanha raha


hmmmm....bahut nazuk ehsaas haiN, aate rhiye aur hame khud ko padne ka mokka detey rahiye


~~~~~~~~~~~~~~~~~~~~~~~~


.....Sunita Thakur.....

यह कह कर मेरा दुश्मन मुझे हँसते हुए छोड़ गया
....के तेरे अपने ही बहुत हैं तुझे रुलाने के लिए...


   
Reply With Quote
Old
  (#5)
chaahat
Registered User
chaahat is a splendid one to beholdchaahat is a splendid one to beholdchaahat is a splendid one to beholdchaahat is a splendid one to beholdchaahat is a splendid one to beholdchaahat is a splendid one to beholdchaahat is a splendid one to behold
 
chaahat's Avatar
 
Offline
Posts: 3,732
Join Date: Jul 2002
Rep Power: 33
23rd June 2023, 09:37 PM

Bahut khoob Umar! Kahan ho? Gaayab kyun ho gaye? PM me!

Priya



"Dikha kar khawaab in aankhon ko, De gaye aansoon in mein Tum..
Kaise chalka doo yeh aansoon, In mein bhi To rehTe ho Tum.."

~ ~ ~ ~ ~ ~ ~ ~ ~ ~ Sirf Tanu Ki ChaahaT...... ~ ~ ~ ~ ~ ~ ~ ~ ~ ~

   
Reply With Quote
Reply

Thread Tools
Display Modes Rate This Thread
Rate This Thread:

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

Similar Threads
Thread Thread Starter Forum Replies Last Post
Na tum mili silent-tears Pyaar Bhari SMS Shayri 0 30th October 2010 02:41 PM
Kal fursat na mili to mansu123 Aapki Shayri 1 25th August 2009 12:26 PM
Thokre mili!!!!!!! nice_off_me Shayri-e-Dard 1 18th November 2005 03:00 PM
mujhe na mili mehul jain Ghazal Section 0 17th November 2005 07:25 PM
agar tum na mili... romance Shayri-e-Dard 5 22nd August 2005 01:34 AM



Powered by vBulletin® Version 3.8.5
Copyright ©2000 - 2024, Jelsoft Enterprises Ltd.
vBulletin Skin developed by: vBStyles.com