!! Kaza ko gale lagalun to need aayegi !! -
22nd February 2007, 06:01 PM
Tumhare gam ko bhulalun to need aayegi,
Lagi ees dil ki bujha lun to need aayegi !
Tamam rat unhe chand me dekha Maine,
Chand ko jamin pe palun to need aayegi !
Mile hain Jo bhi yanha dard se labrej mile,
Kisi ka sath nibahlun to need aayegi !
Pade bekhauf so rahen hai 'shivale' wale,
Jara 'azan' lagalun to need aayegi !
Namaz-e-Id hai tumko bhi 'uzu' karna hai,
Jara mai 'Ganga' bahalun to need aayegi !
Jo kust-e-eesk mil jayen to Id ho jaye,
Unhe palkon me chhupalun to need aayegi !
Kaee dino se in ankho me dard simta hai,
Kuchh aansuon ko bahalun to need aayegi !
Yun to chehre hi chehre hai bhare mahfil me,
Tasawoor unka banalun to need aayegi !
Bahut awaj hai nukkad ke maikade me sanam,
Jo TU aankho se pila de to need aayegi !
Bahut tanha bahut udas zindagi ka safar,
Kisi ko hamsafar palun to need ayegi !
Mila tha chain ek bar Maa ke Daman tale,
Kaza ko gale lagalun to need aayegi !!
|