Watan ki ulfat....////...........................................////....iftakhar -
17th November 2014, 10:21 PM
Khumaar aameyz dilkashi hai
HaseeN mojassam wo ek pari hai
Wo chaaNd meri hai zindagi meN
K uske dam se hi chaaNdni hai
Liye tabassum jhukiN nigaaheN
Jo mujh se unki nazar ladi hai
ShaboN ki zulmat urooj par hai
K baad zulmat hi raushani hai
Sukoon dil ko wajood kho kar
Wabaal ki jad to bas khudi hai
Fasaad ki jad anaa diloN meN
Jo rishtoN meN zehr gholti hai
Gulaal ban ke watan ki ulfat
Meri ragoN meN ghuli hui hai
Dekho mera chehra, ye aqs-e-sadaaqat hai
Iss duniya meN meri, pehchaan sharaafat hai
Duniya ke rasmoN se, anjaan meri duniya
Allah ka banda huN, Allah se nisbat hai
|