Its written by Qamar Jalalwi, i've never heard of Azam Jafri
Here you go :
meraa Khaamosh reh kar bhii uNheiN sab kuchh sunaa denaa
zabaaN se kuchh na kehana, dekh kar aaNsuu bahaa denaa
nasheman ho na ho, ye to falak ka mashGalaa thehraa
ki do tinake jahaaN par dekhnaa, bijalii giraa denaa
ijaazat ho to keh duuN qissaa-e-ulfat sar-e-mehfil
mujhe kuchh to fasaanaa yaad hai, kuchh tum sunaa denaa
maiN mujrim huuN mujhe iqaraar hai jurm-e-muhabbat ka
magar pehle Khataa par Gaur kar lo phir sazaa denaa
maiN is haalat meiN pahuNchaa hashr vaale khud pukaar uT'they
koii fariyaad karne aa rahaa hai, raastaa denaa!