Quote:
Originally Posted by Mujahid Ali
Iss qadar terey ulfat mai makhmoor hu
Bin terey aye sanam kitna majboor hu
Kisney roka hai ye gardish-e-do-jahaaN
Jhuk gaya terey qadmo mai ye aasmaaN
Badla badla lagey jaaney kyu ye samaaN
Ye haqeeqat hai ya nazro ko ek gumaaN
Kya kahey dil zara sun ley jaan-e-jigar
Kehna chahu jo voh baat hai mukhtasar
Kab se be-taab hu terey deedaar ko
Kuch toh taskeen de apne dildaar ko
Jab nigaahe khuley tu hi aaye nazar
Tujh mai dikhta hai taaseer-e-shams-o-qamar
Sun ke teri sada dil bhi jaaye machal
Terey aawaaz mai hai sada-e-ghazal
Kab se veeraaN para merey dil ka chaman
Kar de shadaab ulfat ke gulzaar ko
Kab se be-taab hu terey deedaar ko
Kuch toh taskeen de apne dildaar ko
Merey larzish labo ko tu aawaaz de
Mai hu khaak-e-zameeN mujh ko parvaaz de
Yak dafa tu nigaah-e-mohabbat toh kar
Aye sanam tu bhi izhaar-e-hasrat toh kar
Ho na jaaye kahi khatm ye zindagi
Kar le tasleem humdum merey pyaar ko
Kab se be-taab hu terey deedaar ko
Kuch toh taskeen de apne dildaar ko
FEW MEANINGS
Makhmoor= intoxicated
Mukhtasar= brief/short
Taaseer-e-shams-o-qamar= reflection of sun & moon
Larzish= shivering
Khaak-e-zaameeN= dust of the surface
Parvaaz= flight/ur'aan
Tasleem= accept
|
Waah...bahot pyara geet hai mujahid ji...
Mihabbat aur tadap bakhoobi bayaan huye hain....