|
|
|
|
|
|
|
|
|
|
Moderator
Offline
Posts: 15,199
Join Date: May 2006
Location: Chandigarh (Mohali)
Rep Power: 63
|
Shayar Of the Month July-2010.." Parveen shakir" -
16th July 2010, 11:08 PM
DostoN hum ek naya silsila shuru kar rahe haiN, jiska shirshak hai..............................."Shayar of the Month"...isme har mahina hum ek shayer ke baare me jaankari ke saath thread post karenge,aur phir us shayer ki writings aap sab ko post karna hai us thread per..jitni zyada hosake utni writings is thread per jamaa karenge
Is thread per post karne waale har naye member ko special reps bhi milenge...
Members se request hai ke,ek post per sirf ek ghazal/nazm post kareiN..
Na sirf is thread per, balki SDC ke baqi thread per jaise baitbazi, sher ka jawaab sher, matla maqta, shayer pehchaniye, mehfil-e ishq...in threads per bhi aap sab zyada se zyada is shayer ke writings ko post kiya kijiye, jaise poora mahina hum kisi ek shayer ke naam kar raheiN ho...
Isse hum har mahina zyada se zyada kisi ek shayer ke likhe writing ko padh sakenge..
Ummid hai aap sab hamari is koshish meiN hamara saath denge
Is mahine ke shayera ka naam hai
Parveen shakir
--------------------------
Parveen Shakir was born on 24th November, 1952 in Karachi, Pakistan. She was highly educated with two masters degrees, one in English literature and one in linguistics. She also held a Ph.D and another masters degree in Bank Administration.
She was a teacher for nine years before she joined the Civil Service and worked in the Customs department. In 1986 she was appointed the second secretary, CBR in Islamabad.
A number of books of her poetry have been published. In chronological order, they are Khushboo (1976), Sad-barg (1980), Khud-kalaami (1990), Inkaar (1990) and Maah-e-Tamaam (1994). Her first book, Khushboo, won the Adamjee award. Later she was awarded the Pride of Performance award, which is the highest award given by the Pakistan government.
On 26th December, 1994, on her way to work, her car collided with a truck and the world of modern Urdu poetry lost one of its brightest stars.
Parveen Shakir initially wrote under the pen-name of 'Beena'. She considered Ahmed Nadeem Qasmi her 'ustad' and used to called him 'Ammujaan'. She was married to Dr. Nasir Ahmed but got divorced from him sometime before her untimely demise in 1994. They had one son - Murad Ali.
dosto maiN yahaN ParveeN jii ki gazal jo muje bahut pasand hai aap sabke saath share kar rahi hoon, aap sab bhi Parveen jii ki poetry jo aapko pasand hai hamare saath share kijiye
dosto, Baarish ka mausam chal raha hai aur socha kyuN na Baarish ki hi baat ho, Parveen jii ki kalam se
"Baarish hu_ii to phuulo.n ke tan chaak ho gaye"
baarish hu_ii to phuulo.n ke tan chaak ho gaye
mausam ke haath bhiig ke saffaak ho gaye
[chaak = torn; saffaak = cruel]
baadal ko kyaa Khabar ki baarish kii chaah me.n
kitane buland-o-baalaa shajar Khaak ho gaye
[buland-o-baalaa = high and low; shajar = tree]
juganuu ko din ke vaqt paka.Dane kii zid kare.n
bachche hamaare ahad ke chaalaak ho gaye
[ahad = times]
laharaa rahii hai barf kii chaadar haTaa ke ghaas
suuraj kii shah pe tinake bhii bebaak ho gaye
suuraj dimaaG log bhii iblaaG-e-fikr me.n
zulf-e-shab-e-firaaq ke pechaak ho gaye
jab bhii Gariib-e-shahar se kuchh guftaguu hu_ii
lahaje havaa-e-shaam ke nam_naak ho gaye
saahil pe jitane aab_guziidaa the sab ke sab
dariyaa ke ruKh badalate hii tairaak ho gaye
[aab_guziidaa = scared of water; tairaak = swimmers]
~~~~~~~~~~~~~~~~~~~~~~~~
.....Sunita Thakur.....
यह कह कर मेरा दुश्मन मुझे हँसते हुए छोड़ गया
....के तेरे अपने ही बहुत हैं तुझे रुलाने के लिए...
Last edited by zainy; 20th July 2010 at 06:56 PM..
|
|
|
|
|
RADHE RADHE
Offline
Posts: 4,115
Join Date: Oct 2009
Location: DELHI
Rep Power: 58
|
vo to Khushbuu hai havaaon men bikhar jaayegaa -
17th July 2010, 08:28 AM
vo to Khushbuu hai havaaon men bikhar jaayegaa
masalaa phuul ka hai phuul kidhar jaayegaa
ham to samajhe the ke ek zaKhm hai bhar jaayegaa
kyaa Khabar thii ke rag-e-jaaN men utar jaayegaa
vo havaaon kii tarah Khaanaa_bajaaN phirataa hai
ek jhonkaa hai jo aayegaa guzar jaayegaa
vo jab aayegaa to phir us kii rafaaqat ke liye
mausam-e-gul mere aaNgan men Thahar jaayegaa
aaKhirash vo bhii kahiin ret pe baiThii hogii
teraa ye pyaar bhii dariyaa hai utar jaayegaa
Parveen Shakir
Aapka Apna Ishk
'इश्क' के बदले इश्क चाहना तिजारत है
इज़हार किससे करें महबूब तो दिल में है
email: rkm179@gmail.com
|
|
|
|
|
RADHE RADHE
Offline
Posts: 4,115
Join Date: Oct 2009
Location: DELHI
Rep Power: 58
|
ab bhalaa chhoR ke ghar kyaa karte -
17th July 2010, 08:32 AM
ab bhalaa chhoR ke ghar kyaa karte
shaam ke vaqt safar kyaa karte
terii masruufiyateN jaante the
apne aane kii Khabar kyaa karte
(masruufiyateN : engagements)
jab sitaare hii nahiiN mil paaye
le ke ham shams-o-qamar kyaa karte
(shams-o-qamar : Sun and the Moon)
vo musaafir hii khulii dhuup kaa thaa
saaye phailaa ke shajar kyaa karte
(shajar : tree)
Khaak hii avval-o-aaKhir thahrii
kar (?) ke zarre ko gauhar kyaa karte
(Khaak : dust; avval-o-aaKhir : in the beginning and the end; zarre : particles; gauhar : jewels)
raaye pehle se hii banaa lii tuune
dil meN ab ham tere ghar kyaa karte
ishq ne saare saliiqe bakhshe
husn se kasb-e-hunar kyaa karte
(saliiqe : etiquettes; kasb-e-hunar : ?)
Parveen Shakir
Aapka Apna Ishk
'इश्क' के बदले इश्क चाहना तिजारत है
इज़हार किससे करें महबूब तो दिल में है
email: rkm179@gmail.com
|
|
|
|
|
Anshumali
Offline
Posts: 7,420
Join Date: Apr 2009
Location: DELHI (INDIA)
Rep Power: 87
|
17th July 2010, 09:17 AM
tamaam log akele, rahber hi na tha
bicherne waaklon mein ik mera ham safer hi na tha
berhanaa shaakhon ka jungle gara tha aankhon mein
woh raat thi ke kahin chaand ka guzer hi na tha
tumhaare shaher ki her chaaon meherbaan thi mager
jahaan pe dhoop kari thi wahaan shajaer hi na tha
sameit leti shikasta gulaab ki khushboo
hawaa ke haath mein aisa koi huner hi na tha
mein itne saanpon ko raste mein deikh aayi thi
ke tere shaher mein pohanchi to koi der hi na tha
badan mein pheil gaya surkh beil ki maanind
woh zakhm sookhta kia jis ka chaara gar hi na tha
hawaa ke laaye hue beej phir hawaa ko gaye
khile the phool kuch aise ke jin mein zar hi na tha
kadam to reit pe saahil ne bhi na rakhne dia
badan ko jakre hue sirf ik bhanwer hi na tha
By....Parveen Shakir
YuuN Besabab Aansoo Aate NahiN
Lag Zaroor Koii Baat Dil Ko Rahii Hai ...
Fareb Kaa ChaDhtaa Bazaar Dekh
Insaaf Se Bastii Khaalii Ho Rahii Hai ...
---Naresh Mehra----
|
|
|
|
|
Anshumali
Offline
Posts: 7,420
Join Date: Apr 2009
Location: DELHI (INDIA)
Rep Power: 87
|
17th July 2010, 09:22 AM
Khushbuu hai vo to chhuu ke badan ko guzar na jaaye
jab tak mere wajuud ke andar utar na jaaye
Khud phuul ne bhii honth kiye apane niim-vaa
chorii tamaam rang kii titalii ke sar na jaaye
is Khauf se vo saath nibhaane ke haq mein hai
khokar mujhe ye ladakii kahiin dukh se mar na jaaye
palkon ko us kii apane dupatte se ponch duun
kal ke safar mein aaj kii gard-e-safar na jaaye
main kis ke haath bhejuun use aaj kii duaa
qaasid havaa sitaaraa koii us ke ghar na jaaye
By...Parveen Shakir
YuuN Besabab Aansoo Aate NahiN
Lag Zaroor Koii Baat Dil Ko Rahii Hai ...
Fareb Kaa ChaDhtaa Bazaar Dekh
Insaaf Se Bastii Khaalii Ho Rahii Hai ...
---Naresh Mehra----
|
|
|
|
|
Anshumali
Offline
Posts: 7,420
Join Date: Apr 2009
Location: DELHI (INDIA)
Rep Power: 87
|
17th July 2010, 09:32 AM
duaa kaa TuuTaa hu’aa harf sard aah meN hai
terii juda’ii kaa manzar abhii nigaah meN hai
(harf : alphabet; aah : sigh; manzar : scene)
tere badalne ke baa-vajuud tujhko chaahaa hai
ye ai’tiraaf bhii shaamil mere gunaah meN hai
(baa-vajuud : even though; ai’tiraaf : acceptance; shaamil : included)
azaab degaa tou phir mujhko Khwaab bhii degaa
maiN mutma’iin huN, meraa dil terii panaah meN hai
(azaab : punishment; mutma’iin : satisfied; panaah : shelter)
jise bahaar ke mehmaan Khaalii chhoR gaye
vo ek makaan abhii tak makiiN kii chaah meN hai
(makiiN : house-holder)
yahii vo din the jab ek duusre ko paaya thaa
hamaarii saalgiraah thiik ab ke maah meN hai
(maah : month)
maiN bach bhii jaauuN tou tanhaa’ii maar daalegii
mere qabiilaa ka har fard, qatl-gaah meN hai
(tanhaa’ii : loneliness; qabliilaa : tribe; qatl-gaah : gallows)
By....Parveen Shakir
YuuN Besabab Aansoo Aate NahiN
Lag Zaroor Koii Baat Dil Ko Rahii Hai ...
Fareb Kaa ChaDhtaa Bazaar Dekh
Insaaf Se Bastii Khaalii Ho Rahii Hai ...
---Naresh Mehra----
|
|
|
|
|
Anshumali
Offline
Posts: 7,420
Join Date: Apr 2009
Location: DELHI (INDIA)
Rep Power: 87
|
17th July 2010, 09:41 AM
taazaa muhabbatoN kaa nashaa jism-o-jaaN meN hai
phir mausam-e-bahaar mere gulistaaN meN hai
ek Khvaab hai ke baar-e-digar dekhte haiN
ek aashnaa sii raushnii saare makaaN meN hai
(baare-digar : once again; aashnaa : known)
ek shaaKh-e-yaasmiin thii kal tak KhizaaN-asar
aur aaj saaraa baaGh usii kii amaaN meN hai
(shaaKh-e-yaasmiin : branch of jasmine; KhizaaN-asar : autumn afflicted)
taabish meN apnii mehr-o-maah-o-najm se sivaa
jugnuu sii ye zamiiN jo kaf-e-aasmaaN meN hai
(taabish : brilliance; mehr-o-maah-o-najm : moon, sun and stars; kaf-e-aasmaaN : under the skies)
Khushbuu ko tark kar ke na laaye chaman meN rang
itnii to suujh-buujh mere baaGhbaaN meN hai
har jaanisaar yaad-dihaanii meN munhamik
nekii kaa har hisaab dil-e-dostaaN meN hai
(munhamik : busy)
baiThe raheNge shaam talak tere shiishaagar
ye jaante hu’e ke Khassaaraa dukaaN meN hai
masnad ke itne paas na jaaye ke phir khale
vo be-talluqii jo mizaaj-e-shahaaN meN hai
(mizaaj-e-shahaaN : nature of the rulers)
By....Parveen Shakir
YuuN Besabab Aansoo Aate NahiN
Lag Zaroor Koii Baat Dil Ko Rahii Hai ...
Fareb Kaa ChaDhtaa Bazaar Dekh
Insaaf Se Bastii Khaalii Ho Rahii Hai ...
---Naresh Mehra----
|
|
|
|
|
Anshumali
Offline
Posts: 7,420
Join Date: Apr 2009
Location: DELHI (INDIA)
Rep Power: 87
|
17th July 2010, 09:52 AM
chalne kaa hauslaa nahiiN ruknaa muhaal kar diyaa
ishq ke is safar ne to mujhko nidhaal kar diyaa
milte hu’e diloN ke biich aur thaa faislaa ko’ii
usne magar bichhaRte vaqt aur savaal kar diyaa
ae merii gul-zamiiN tujhe chaah thii ek kitaab kii
ahl-e-kitaab ne magar kyaa teraa haal kar diyaa
ab ke havaa ke saath hai daaman-e-yaar muntazir
baanu-e-shab ke haath meN rakhnaa sambhaal (?) kar diyaa
mumkinaa faisloN meN ek hijr kaa faislaa bhii thaa
hamne to ek baat kii usne kamaal kar diyaa
(mumkinaa : possible)
mere laboN meN muhr thii par mere shiisha-ruu ne to
shah’r ke shah’r ko meraa vaaqif-e-haal kar diyaa
chehraa-o-naam ek saath aaj na yaad aa sake
vaqt ne kis shabiih ko Khvaab-o-Khyaal kar diyaa
muddatoN baad usne aaj mujhse ko’ii gilaa kiyaa
mansab-e-dilbarii pe kyaa mujhko bahaal kar diyaa
(mansab-e-dilbarii : throne of love)
By...Parveen Shakir
YuuN Besabab Aansoo Aate NahiN
Lag Zaroor Koii Baat Dil Ko Rahii Hai ...
Fareb Kaa ChaDhtaa Bazaar Dekh
Insaaf Se Bastii Khaalii Ho Rahii Hai ...
---Naresh Mehra----
|
|
|
|
|
Moderator
Offline
Posts: 15,199
Join Date: May 2006
Location: Chandigarh (Mohali)
Rep Power: 63
|
17th July 2010, 12:53 PM
cheharaa meraa thaa nigaahe.n us kii
cheharaa meraa thaa nigaahe.n us kii
Khaamushii me.n bhii vo baate.n us kii
mere chehare pe Gazal likhatii ga_ii.n
sher kahatii hu_ii aa.Nkhe.n us kii
shoKh lamho.n kaa pataa dene lagii.n
tez hotii hu_ii saa.Nse.n us kii
aise mausam bhii guzaare ham ne
subahe.n jab apanii thii.n shaame.n us kii
dhyaan me.n us ke ye aalam thaa kabhii
aa.Nkh mahataab kii yaade.n us kii
faisalaa mauj-e-havaa ne likkhaa
aa.Ndhiyaa.N merii bahaare.n us kii
niind is soch se TuuTii aksar
kis tarah kaTatii hai.n raate.n us kii
duur rah kar bhii sadaa rahatii hai
mujh ko thaame hue baahe.n us kii
~~~~~~~~~~~~~~~~~~~~~~~~
.....Sunita Thakur.....
यह कह कर मेरा दुश्मन मुझे हँसते हुए छोड़ गया
....के तेरे अपने ही बहुत हैं तुझे रुलाने के लिए...
Last edited by zainy; 19th July 2010 at 04:41 PM..
|
|
|
|
|
Registered User
Offline
Posts: 127
Join Date: Jun 2010
Location: rohini delhi
Rep Power: 16
|
Khayaal-o-Khvaab hu’aa, barg-o-baar kaa mausam -
17th July 2010, 01:46 PM
Khayaal-o-Khvaab hu’aa, barg-o-baar kaa mausam
bichhaR gayaa tirii suurat, bahaar kaa mausam
ka’ii rutoN meN mire niim-vaa dariichoN meN
Theher gayaa hai tire intizaar kaa mausam
vo narm lehje meN kuchh to kahe,yaa lauT aaye
sama’atoN kii zamiiN par phuaar kaa mausam
payaam aaye haiN, phir eik sar-e-qaamat ke
mere wajod ko khaiNchay hai daar kaa mausam
vo aag hai ke merii poor poor jalti hai
mere badan ko milaa hai chanaar kaa mausam
rafaaqatoN ke naye khwaab khushnuma haiN, magar,
guzar chukaa hai tire aitbaar kaa mausam
havaa chalii to nayii baarisheN bhii saath aayiiN
zamiiN ke chehre pe aayaa nikhaar kaa mausam
vo meraa naam liye jaaye aur maiN uss kaa naam
lahuu meN guuNj rahaa hai pukaar kaa mausam
qadam rakhe mirii Khushbuu, ke ghar ko lauT aaye
ko’ii bataaye mujhe kuu-e-yaar kaa mausam
vo roz aa ke mujhe apnaa pyaar pehnaaye
mera Ghuruur hai bailay ke haar kaa mausam
tire tareeq-e-mohabbat pe baarhaa sochaa
ye jabr thaa ke tire ekhtiyaar kaa mausam
Parveen Shakir
|
|
|
|
|
RooH Se RooH Tak
Offline
Posts: 1,247
Join Date: Feb 2010
Location: Delhi
Rep Power: 53
|
17th July 2010, 08:18 PM
khulegii is nazar pe chashm-e-tar aahistaa aahistaa
kiyaa jaataa hai paanii men safar aahistaa aahistaa
(chashm-e-tar = wet/tearful eyes)
ko_ii zanjiir phir vaapas vahiin par le ke aatii hai
kaThin ho raah to chhuTataa hai ghar aahistaa aahistaa
badal denaa hai rastaa yaa kahiin par baiTh jaanaa hai
ki Thakataa jaa rahaa hai ham_safar aahistaa aahistaa
Khalish ke saath is dil se na merii jaaN nikal jaaye
khinche tiir-e-shanaasaa_ii magar aahistaa aahistaa
(Khalish = prick; tiir-e-shanaasaa_ii =)
huaa hai sar_kashii men phuul kaa apanaa ziyaaN, dekhaa
so jhukataa jaa rahaa hai ab ye sar aahistaa aahistaa
(ziyaaN = loss)
merii sholaa_mizaajii ko vo jangal kaise raas aaye
havaa bhii saaNs letii ho jidhar aahistaa aahistaa
Parveen Shakir
---------------------------------------------------------------------
mushkil hai ab shahar men nikale ko_ii ghar se
dastaar pe baat aa ga_ii hai hotii hu_ii sar se
barasaa bhii to kis dasht ke be-faiz badan par
ik umr mere khet the jis abr ko tarase
is baar jo indhan ke liye kaT ke giraa hai
chiDiyon ko baDaa pyaar thaa us buuDhe shajar se
mehanat merii aaNdhii se to manasuub nahiin thii
rahanaa thaa ko_ii rabt shajar kaa bhii samar se
Khud apane se milane kaa to yaaraa na thaa mujh men
main bhiiD men gum ho ga_ii tanhaa_ii ke Dar se
benaam musaafat hii muqaddar hai to kyaa Gam
manzil kaa ta'yyun kabhii hotaa hai safar se
pattharaayaa hai dil yuuN ki ko_ii ism paDhaa jaaye
ye shahar nikalataa nahiin jaaduu ke asar se
nikale hain to raste men kahiin shaam bhii hogii
suuraj bhii magar aayegaa is raah-guzar se
Parveen Shakir
.................................................. .................................................
rukane kaa samay guzar gayaa hai
jaanaa teraa ab Thahar gayaa hai
ruKhsat kii ghaDii khaDii hai sar par
dil ko_ii do-niim kar gayaa hai
maatam kii fazaa hai shahar-e-dil men
mujh men ko_ii shaKhs mar gayaa hai
bujhane ko hai phir se chashm-e-nargis
phir Khvaab-e-sabaa bikhar gayaa hai
bas ik nigaah kii thii us ne
saaraa cheharaa nikhar gayaa hai
Parveen Shakir
.................................................. .................................................
terii Khushbuu kaa pataa kartii hai
mujh pe ehasaan havaa kartii hai
shab kii tanhaa_ii men ab to aksar
guftaguu tujh se rahaa kartii hai
dil ko us raah pe chalanaa hii nahiin
jo mujhe tujh se judaa kartii hai
zindagii merii thii lekin ab to
tere kahane men rahaa kartii hai
us ne dekhaa hii nahiin varnaa ye aaNkh
dil kaa ehavaal kahaa kartii hai
beniyaaz-e-kaaf-e-dariyaa angusht
ret par naam likhaa kartii hai
shaam paDate hii kisii shaKhs kii yaad
kuuchaa-e-jaaN men sadaa kartii hai
mujh se bhii us kaa hai vaisaa hii suluuk
haal jo teraa ana??? kartii hai
dukh huaa karataa hai kuchh aur bayaaN
baat kuchh aur huaa kartii hai
abr barase to inaayat us kii
shaaKh to sirf duaa kartii hai
masalaa jab bhii uThaa chiraaGon kaa
faisalaa sirf havaa kartii hai
Parveen Shakir
.................................................. .................................................
Radhika
Seene Me Zakham Utarey Chale Gaye
Jo Humpe Guzari Guzarey Chale Gaye
Woh Aayega Ek Din Milne Humse
Naam Uska Hi Pukarey Chale Gaye
E-mail : radhika.nm2@gmail.com
Last edited by Radhika_2; 17th July 2010 at 08:28 PM..
|
|
|
|
|
Aapki dost
Offline
Posts: 7,325
Join Date: Feb 2008
Rep Power: 57
|
19th July 2010, 04:30 PM
sundar komal sapano.n kii baaraat guzar ga_ii jaanaa.N
sundar komal sapano.n kii baaraat guzar ga_ii jaanaa.N
dhuup aa.Nkho.n tak aa pahu.Nchii hai raat guzar ga_ii jaanaa.N
[komal=soft]
bhor samay tak jis ne hame.n baaham ulajhaaye rakhaa
vo albelii resham jaisii baat guzar ga_ii jaanaa.N
[baaham=with each other]
sadaa kii dekhii raat hame.n is baar milii to chup ke se
Khaalii haath pe rakh ke kyaa sauGaat guzar ga_ii jaanaa.N
kis ko.npal kii aas me.n ab tak vaise hii sar-sabz ho tum
ab to dhuup kaa mausam hai barasaat guzar ga_ii jaanaa.N
log na jaane kin raato.n kii muuraade.n maa.Ngaa karate hai.n
apanii raat to vo jo tere saath guzar ga_ii jaanaa.N
--Parveen shakir
Zainy
PalkoN ki baand ko tod ke daaman pe aa gira
Ek aaNsu mere zabt ki tauheen kar gaya...
Nm
|
|
|
|
|
Registered User
Offline
Posts: 289
Join Date: Jun 2010
Rep Power: 0
|
19th July 2010, 05:54 PM
ku-ba-ku phail gai bat shanasai ki
us ne khushbu ki tarah meri pazirai ki
kaise kah dun k mujhe chor diya hai us ne
bat to sach hai magar bat hai ruswai ki
wo kahin bhi gaya lauta to mere pas aya
bas yahi bat hai achi mere harjai ki
tera pahlu tere dil ki tarah abad rahe
tujh pe guzre na qayamat shab-e-tanhai ki
us ne jalti hui peshani pe jo hath rakha
ruh tak a gai tasir masihai ki
Marhooma Parveen Shakir saheba
|
|
|
|
|
Registered User
Offline
Posts: 2,022
Join Date: Mar 2009
Rep Power: 47
|
19th July 2010, 10:45 PM
Quote:
Originally Posted by abdulqadeert
ku-ba-ku phail gai bat shanasai ki
us ne khushbu ki tarah meri pazirai ki
kaise kah dun k mujhe chor diya hai us ne
bat to sach hai magar bat hai ruswai ki
wo kahin bhi gaya lauta to mere pas aya
bas yahi bat hai achi mere harjai ki
tera pahlu tere dil ki tarah abad rahe
tujh pe guzre na qayamat shab-e-tanhai ki
us ne jalti hui peshani pe jo hath rakha
ruh tak a gai tasir masihai ki
Marhooma Parveen Shakir saheba
|
mai bhi yahi post karne wala yha ki aapne pahle kar diya .....
wo kahin bhi gaya lauta to mere paas aayaa
bas yahi baat hai acchi mere harjaai ki
ye sher ek alag hi class me hai.....ek puzzle ke ander puzzle hai....
and one of the most brillliant wordplay....shayad isiliye puzzle hai....
|
|
|
|
|
Registered User
Offline
Posts: 2,022
Join Date: Mar 2009
Rep Power: 47
|
19th July 2010, 10:47 PM
abr-e-bahaar ne
phuul ka chehra
apne banafshi haath me lekar
aise chumaa
phuul ke saare dukh
Khushbu ban kar bah nikale hain
parveen shakir
banafshaa=violet flower
|
|
|
|
|
Registered User
Offline
Posts: 289
Join Date: Jun 2010
Rep Power: 0
|
20th July 2010, 12:17 AM
puuraa dukh aur aadhaa chaa.Nd
hijr kii shab aur aisaa chaa.Nd
itane ghane baadal ke piichhe
kitanaa tanhaa hogaa chaa.Nd
merii karavaT par jaag uThe
niind kaa kitanaa kachchaa chaa.Nd
seharaa seharaa bhaTak rahaa hai
apane ishq me.n sachchaa chaa.Nd
raat ke shaayad ek baje hai.n
sotaa hogaa meraa chaa.Nd
parveen shakir saheba
Last edited by abdulqadeert; 20th July 2010 at 12:26 AM..
|
|
|
|
|
Registered User
Offline
Posts: 289
Join Date: Jun 2010
Rep Power: 0
|
20th July 2010, 12:19 AM
paa-ba-gil sab hai.n rihaa_ii kii kare tadabiir kaun
dast-bastaa shahar me.n khole merii zanjiir kaun
meraa sar haazir hai lekin meraa munsif dekh le
kar rahaa hai mere fard-e-jurm kii tahariir kaun
aaj darvaazo.n pe dastak jaanii pahachaanii sii hai
aaj mere naam laataa hai merii taaziir kaun
niind jab Khvaabo.n se pyaarii ho to aise ahad me.n
Khvaab dekhe kaun aur Khvaabo.n ko de taabiir kaun
ret abhii pichhale makaano.n kii na vaapas aa_ii thii
phir lab-e-saahil gharaundaa kar gayaa taamiir kaun
saare rishte hijrato.n me.n saath dete hai.n to phir
shahar se jaate hue hotaa hai daaman_giir kaun
merii chaadar to chhinii thii shaam kii tanhaa_ii ne
beridaa_ii ko merii phir de gayaa tashahiir kaun
dushmano.n ke saath mere dost bhii aazaad hai.n
dekhanaa hai khe.nchataa hai mujh pe pahalaa tiir kaun
Parveen shakir saheba
|
|
|
|
|
Registered User
Offline
Posts: 289
Join Date: Jun 2010
Rep Power: 0
|
20th July 2010, 12:34 AM
Quote:
Originally Posted by zidd
mai bhi yahi post karne wala yha ki aapne pahle kar diya .....
wo kahin bhi gaya lauta to mere paas aayaa
bas yahi baat hai acchi mere harjaai ki
ye sher ek alag hi class me hai.....ek puzzle ke ander puzzle hai....
and one of the most brillliant wordplay....shayad isiliye puzzle hai....
|
zidd sahab aadab ,,
mazrath agar pata hota to bilkul bhi post nahi karta ...
ji apne baja farmaya hai .. inhi qubiyun se marhooma ko bainul aqwami izzath wa shahurath hasil thi .. allah inki maqfiriyath farmaye .. ameen ..
inhi ke eak aur sher hai jo thik se yaad nahi .. likhne ki jasarath kar raha hon mazrath ke saath ..
masla jab bhi uth.ta hai charago.N ka
Faisla sirf Hawa karti hai
-----------parveen shakir------------
dua go
qadeertoopchi
Last edited by abdulqadeert; 20th July 2010 at 12:38 AM..
|
|
|
|
|
Tanhaa Raahi
Offline
Posts: 3,700
Join Date: Oct 2003
Rep Power: 54
|
' Kuch To Havaa Bhi Sard Thi...! ' -
20th July 2010, 01:58 AM
Kuch to havaa bhi sard thi kuch tha tera Khayaal bhi
Dil ko Khushi ke saath saath hota rahaa malaal bhi
[sard=cold; malaal=sorrow]
Baat vo aadhii raat ki raat vo puure chaaNd ki
ChaaNd bhi ain chet kaa us pe teraa jamaal bhi
[chet=name of a month; jamaal=beauty]
Sab se nazar bachaa ke vo mujh ko aise dekhte
Ek dafaa to ruk gayi gardish-e-maah-o-saal bhii
Dil to chamak sakegaa kyaa phir bhi taraash ke dekh lo
Shiishaagaraan-e-shahar ke haath ka ye kamaal bhii
[taraash=chisel/polish (stone); shiishaagar=glazier/one works with glass]
Uss ko na paa sake the jab dil kaa ajeeb haal tha
Ab jo palaT ke dekhiye baat thi kuch muhaal bhi
[muhaal=difficult/impossible]
Meri talab tha ek shaKhs vo jo nahin milaa to phir
Haath duaa se yuN giraa bhuul gayaa sawaal bhi
[talab=quest/want; shaKhs=person]
Shaam kii naasamajh havaa puuch rahi hai ik pataa
Mauj-e-havaa-e-kuu-e-yaar kuch to mera Khayaal bhi
[naasamajh=naive]
Uss ke hi baazuuon main aur us ko hi sochte rahe
Jism ki Khvaahishon pe the ruuh ke aur jaal bhi
Jeene ke liye mujhe ek sapna dedo
Haqeekat meri jaaN liye jaa rahi hai
|
|
|
|
|
Registered User
Offline
Posts: 127
Join Date: Jun 2010
Location: rohini delhi
Rep Power: 16
|
manzar hai vahi thathak rahi huuN -
22nd July 2010, 12:14 PM
manzar hai vahii thathak rahii huuN
hairat se palak jhapak rahii huuN
ye tuu hai ke meraa vaham hai
band aaNkhon se tujh ko tak rahii huuN
jaise ke kabhii na thaa taarruf
yuuN milate hue jhijhak rahii huuN
pahachaan main terii roshanii huuN
aur terii palak palak rahii huuN
kyaa chain milaa hai sar jo us ke
shaanon pe rakhe sisak rahii huuN
ik umr hu_ii hai Khud se laDate
ander se tamaam thak rahii huuN
Parveen Shakir
|
|
|
|
|
Registered User
Offline
Posts: 127
Join Date: Jun 2010
Location: rohini delhi
Rep Power: 16
|
kuchh faisalaa to ho ki kidhar jaanaa chaahiye -
22nd July 2010, 12:17 PM
kuchh faisalaa to ho ki kidhar jaanaa chaahiye
paanii ko ab to sar se guzar jaanaa chaahiye
har baar eDiiyon pe giraa hai meraa lahuu
maqtal men ab ba-tarz-e-digar jaanaa chaahiye
kyaa chal sakenge jin kaa faqat mas'laa ye hai
jaane se pahale raKht-e-safar jaanaa chaahiye
saaraa jvaar-bhaaTaa mere dil men hai magar
ilzaam ye bhii chaaNd ke sar jaanaa chaahiye
jab bhii gaye azaab-e-dar-o-baam thaa vahii
aaKhir ko kitanii der se ghar jaanaa chaahiye
tohamat lagaa ke maaN pe jo dushman se daad le
aise suKhan_farosh ko mar jaanaa chaahiye
Parveen Shakir
|
|
|
|
|
Registered User
Offline
Posts: 127
Join Date: Jun 2010
Location: rohini delhi
Rep Power: 16
|
Khushbuu hai vo to chhuu ke badan ko guzar na jaaye -
22nd July 2010, 12:19 PM
Khushbuu hai vo to chhuu ke badan ko guzar na jaaye
jab tak mere vajuud ke andar utar na jaaye
(vajuud = existence)
Khud phuul ne bhii honTh kiye apane niim-vaa
chorii tamaam rang kii titalii ke sar na jaaye
(niim-vaa = half open; tamaam = whole/entire)
(titalii = butterfly)
is Khauf se vo saath nibhaane ke haq men hai
khokar mujhe ye laDakii kahiin dukh se mar na jaaye
(Khauf = fear)
palkon ko us kii apane dupaTTe se poNch duuN
kal ke safar men aaj kii gard-e-safar na jaaye
(gard = dust)
main kis ke haath bhejuuN use aaj kii duaa
qaasid havaa sitaaraa ko_ii us ke ghar na jaaye
Parveen Shakir
|
|
|
|
|
Registered User
Offline
Posts: 127
Join Date: Jun 2010
Location: rohini delhi
Rep Power: 16
|
isi men Khush huuN meraa dukh koi to sahataa hai -
22nd July 2010, 12:22 PM
isii men Khush huuN meraa dukh ko_ii to sahataa hai
chalii chaluuN ki jahaaN tak ye saath rahataa hai
zamiin-e-dil yuuN hii shaadaab to nahiin ai dost
qariib men ko_ii dariyaa zaruur bahataa hai
na jaane kaun saa fiqraa kahaaN raqm ho jaaye
dilon kaa haal bhii ab kaun kis se kahataa hai
mere badan ko namii khaa ga_ii ashkon kii
bharii bahaar men jaise makaan Dahataa hai
PARVEEN SHAKIR
|
|
|
|
|
Aapki dost
Offline
Posts: 7,325
Join Date: Feb 2008
Rep Power: 57
|
27th July 2010, 10:00 PM
apanii rusavaa_ii tere naam ka charchaa dekhuuN
ek zaraa sher kahuuN aur main kyaa kyaa dekhuuN
niind aa jaaye to kyaa mahafilen barpaa dekhuuN
aaNkh khul jaaye to tanhaa_ii kaa sahara dekhuuN
shaam bhii ho ga_ii dhundhalaa ga_ii aaNkhen bhii merii
bhuulanevaale main kab tak teraa rastaa dekhuuN
sab ziden us kii main puurii karuuN har baat sunuuN
ek bachche kii tarah se use haNstaa dekhuuN
mujh pe chhaa jaaye vo barasaat kii Khushbuu kii tarah
ang ang apanaa usii rut men mahakataa dekhuuN
tuu merii tarah se yaktaa hai magar mere habib
jii men aataa hai ko_ii aur bhii tujh saa dekhuuN
main ne jis lamhe ko puujaa hai use bas ek baar
Khvaab ban kar terii aaNkhon men utarataa dekhuuN
tuu meraa kuchh nahiin lagataa hai magar jaan-e-hayaat
jaane kyon tere liye dil ko dhaDakataa dekhuuN
-- PARVEEN SHAKIR
Zainy
PalkoN ki baand ko tod ke daaman pe aa gira
Ek aaNsu mere zabt ki tauheen kar gaya...
Nm
|
|
|
|
|
RADHE RADHE
Offline
Posts: 4,115
Join Date: Oct 2009
Location: DELHI
Rep Power: 58
|
28th July 2010, 09:05 AM
Tujh se koi gilla nahin hai
Qismat main meri silla nahin hai
Bichar ke to na-janey kia haal ho
Jo shakhs abhi milla nahi hai
Jeeney ki to aarzu hi kab thi
Marney ka bhi hosla nahin hai
Jo zeest ko mu’atabir bana dey
Aesa koi silsila nahin hai
Khushboo ka hisaab ho chuka
Aur phool abhi khilla nahin hai
Sarshari-e-rahbari main dekha
Peechey mera qaafilla nahin hai
Ek thais pe dil ka phoot behna
Chooney main to aabla nahin hai
PARVEEN SHAKIR
Aapka Apna Ishk
'इश्क' के बदले इश्क चाहना तिजारत है
इज़हार किससे करें महबूब तो दिल में है
email: rkm179@gmail.com
|
|
|
|
|
Shayri.com Moderator
Offline
Posts: 10,551
Join Date: Aug 2006
Location: INDIA
Rep Power: 59
|
29th July 2010, 12:13 AM
kamaal-e-zabt ko Khud bhii to aazamaa_uu.Ngii
mai.n apane haath se us kii dulhan sajaa_uu.Ngii
supurd kar ke use chaa.Ndanii ke haatho.n
mai.n apane ghar ke a.Ndhero.n ko lauT aa_uu.Ngii
badan ke karb ko vo bhii samajh na paayegaa
mai.n dil me.n rouu.Ngii aa.Nkho.n me.n muskuraa_uu.Ngii
vo kyaa gayaa ke rafaaqat ke saare lutf gaye
mai.n kis se ruuTh sakuu.Ngii kise manaa_uu.Ngii
vo ik rishtaa-e-benaam bhii nahii.n lekin
mai.n ab bhii us ke ishaaro.n pe sar jhukaa_uu.Ngii
bichhaa diyaa thaa gulaabo.n ke saath apanaa vajuud
vo so ke uThe to Khvaabo.n kii raakh uThaa_uu.Ngii
ab us kaa fan to kisii aur se manasuub huaa
mai.n kis kii nazm akele me.n gun_gunaa_uu.Ngii
[manasuub=attached]
javaz Dhuu.NDh rahaa thaa na_ii muhabbat kaa
vo kah rahaa thaa ke mai.n us ko bhuul jaa_uu.Ngii
[javaz=reason]
sama'ato.n me.n ghane jangalo.n kii saa.Nse.n hai.n
mai.n ab kabhii terii aavaaz sun na paa_uu.Ngii
~Parveen Shakir
*~*Dhaval*~*....Ek Ehsaas...
Last edited by Dhaval; 29th July 2010 at 12:16 AM..
|
|
|
|
|
Registered User
Offline
Posts: 127
Join Date: Jun 2010
Location: rohini delhi
Rep Power: 16
|
Kariyaa-e-jaaN men koi phuul khilaane aaye -
30th July 2010, 12:02 PM
kariyaa-e-jaaN men ko_ii phuul khilaane aaye
vo mere dil pe nayaa zaKhm lagaane aaye
mere viiraan dariichon men bhii Khushbuu jaage
vo mere ghar ke dar-o-baam sajaane aaye
us se ik baar to ruuthuuN main usii kii maanind
aur merii tarah se vo mujh ko manaane aaye
isii kuuche men ka_ii us ke shanaasaa bhii to hain
vo kisii aur se milane ke bahaane aaye
ab na puuchhuuNgii main khoye hue Khvaabon kaa pataa
vo agar aaye to kuchh bhii na bataane aaye
zabt kii shahar-panaahon kii mere maalik Khair
Gam kaa sailaab agar mujh ko bahaane aaye
Parveen Shakir
|
|
|
|
|
Registered User
Offline
Posts: 127
Join Date: Jun 2010
Location: rohini delhi
Rep Power: 16
|
dil kaa kyaa hai vo to chaahegaa musal-sal milanaa -
30th July 2010, 12:10 PM
dil kaa kyaa hai vo to chaahegaa musal_sal milanaa
vo sitam_gar bhii magar soche kisii pal milanaa
vaaN nahiin vaqt to ham bhii hain adiim-ul-fursat
us se kyaa kahiye jo har roz kahe kal milanaa
ishq kii raah ke musaafir kaa muqaddar maaluum
dasht-e-ummiid men andeshe kaa baadal milanaa
daaman-e-shab ko agar chaak bhii kar len to kahaaN
nuur men Duubaa huaa subah kaa aaNchal milanaa
parveen shakir
|
|
|
|
|
Registered User
Offline
Posts: 127
Join Date: Jun 2010
Location: rohini delhi
Rep Power: 16
|
30th July 2010, 12:11 PM
justajuu khoye huon kii umr bhar karate rahe
chaaNd ke ham_raah ham har shab safar karate rahe
raaston kaa ilm thaa ham ko na simton kii Khabar
shahar-e-naamaaluum kii chaahat magar karate rahe
ham ne Khud se bhii chhupaayaa aur saare shahar se
tere jaane kii Khabar dar-o-divaar karate rahe
vo na aayegaa hamen maaluum thaa us shaam bhii
intazaar us ka magar kuchh soch kar karate rahe
aaj aayaa hai hamen bhii un uDaanon kaa Khayaal
jin ko tere zaum men be-baal-o-par karate rahe
Parveen Shakir
|
|
|
|
|
Moderator
Offline
Posts: 15,199
Join Date: May 2006
Location: Chandigarh (Mohali)
Rep Power: 63
|
Mohtarma ParveeN Shakir ji ki meri dilli Shardanjli -
30th July 2010, 03:20 PM
baad_baa.N khulane se pahale kaa ishaaraa dekhanaa
baad_baa.N khulane se pahale kaa ishaaraa dekhanaa
mai.n samandar dekhatii huu.N tum kinaaraa dekhanaa
yuu.N bichha.Danaa bhii bahut aasaa.N na thaa us se magar
jaate jaate us kaa vo mu.D ke dubaaraa dekhanaa
kis shabaahat ko liye aayaa hai daravaaze pe chaa.Nd
ai shab-e-hijraa.N zaraa apanaa sitaaraa dekhanaa
[shabaahat=form; shab-e-hijraa.N=night of separation]
aa_iine kii aa.Nkh hii kuchh kam na thii mere liye
jaane ab kyaa kyaa dikhaayegaa tumhaaraa dekhanaa
dasht-e-shab par dikhaa_ii kyaa dengii
dasht-e-shab par dikhaa_ii kyaa dengii
silavaTe.n roshanii me.n ubharengii
ghar kii diivaare.n mere jaane par
apanii tanhaa_iyo.n ko sochengii
u.Ngaliyo.n ko taraash duu.N phir bhii
aadatan us kaa naam likkhengii
rang-o-buu se kahii.n panaah nahii.n
Khvaahishe.n bhii kahaa.N amaa.N dengii
ek Khushbuu se bach bhii jaa_uu.N agar
duusarii nikahate.n jaka.D lengii
khi.Dakiyo.n par dabiiz parde ho.n
baarishe.n phir bhii dastake.n dengii
hamaare daramiyaa.N aisaa ko_ii rishtaa nahii.n thaa
hamaare daramiyaa.N aisaa ko_ii rishtaa nahii.n thaa
tere shaano.n pe ko_ii chhat nahii.n thii
mere zimme ko_ii aa.Ngan nahii.n thaa
ko_ii vaadaa terii zanjiir-e-paa banane nahii.n paayaa
kisii iqaraar ne merii kalaa_ii ko nahii.n thaamaa
havaa-e-dasht kii maanind
tuu aazaad thaa
raaste terii marzii ke tabe the
mujhe bhii apanii tanhaa_ii pe
dekhaa jaaye to
puuraa tasarruf thaa
magar jab aaj tuu ne
raastaa badalaa
to kuchh aisaa lagaa mujh ko
ke jaise tuu ne mujh se bevafaa_ii kii
khulii aa.Nkho.n me.n sapanaa jaagataa hai
khulii aa.Nkho.n me.n sapanaa jaagataa hai
vo soyaa hai ke kuchh kuchh jaagataa hai
terii chaahat ke bhiige jangalo.n me.n
meraa tan mor ban ke naachataa hai
mujhe har kaifiyat me.n kyo.n na samajhe
vo mere sab havaale jaanataa hai
kisii ke dhyaan me.n Duubaa huaa dil
bahaane se mujhe bhii Taalataa hai
sa.Dak ko chho.D kar chalanaa pa.Degaa
ke mere ghar kaa kachchaa raastaa hai
sabz maddham roshanii me.n surKh aa.Nchal kii dhanak
sabz maddham roshanii me.n surKh aa.Nchal kii dhanak
sard kamare me.n machalatii garm saa.Nso.n kii mahak
baazuuo.n ke sakht halqe me.n ko_ii naazuk badan
silvaTe.n malabuus par aa.Nchal bhii kuchh Dhalakaa huaa
garmii-e-ruKhsaar se dahakii hu_ii Thaa.nDii havaa
narm zulfo.n se mulaayam u.Ngaliyo.n kii chhe.D chhaa.D
surKh ho.nTho.n par sharaarat ke kisii lamhe.n kaa aks
reshamii baaho.n me.n chuu.Dii kii kabhii maddham dhanak
sharmagii.n lahajo.n me.n dhiire se kabhii chaahat kii baat
do dilo.n kii dha.Dakano.n me.n guu.Njatii thii ek sadaa
kaa.Npate ho.nTho.n pe thii allaah se sirf ek duaa
kaash ye lamhe Thahar jaaye.n Thahar jaaye.n zaraa
~~~~~~~~~~~~~~~~~~~~~~~~
.....Sunita Thakur.....
यह कह कर मेरा दुश्मन मुझे हँसते हुए छोड़ गया
....के तेरे अपने ही बहुत हैं तुझे रुलाने के लिए...
|
|
|
|
|
Aazaad Panchi
Offline
Posts: 312
Join Date: May 2010
Location: SKY
Rep Power: 17
|
30th July 2010, 05:23 PM
dil kaa kyaa hai vo to chaahegaa musal_sal milanaa
vo sitam_gar bhii magar soche kisii pal milanaa
vaa.N nahii.n vaqt to ham bhii hai.n adiim-ul-fursat
us se kyaa kahiye jo har roz kahe kal milanaa
ishq kii raah ke musaafir kaa muqaddar maaluum
dasht-e-ummiid me.n andeshe kaa baadal milanaa
daaman-e-shab ko agar chaak bhii kar le.n to kahaa.N
nuur me.n Duubaa huaa subah kaa aa.Nchal milanaa
Faisle taqdeer ke lakeere badal nahi sakti
Eh insaan teri uske aage hargiz chal nahi sakti
Aaj tu zameen par hai kal zameen mein hoga
Maut tujhe aani hai har roz tal nahi sakti
|
|
|
|
|
Aapki dost
Offline
Posts: 7,325
Join Date: Feb 2008
Rep Power: 57
|
1st August 2010, 08:19 PM
http://www.youtube.com/watch?v=MPZic...eature=related
wakht se ko-ee shi-ka-yat hai, na aflaak se hai
Ya-ee kiya kam hai, ki nisbat mujhe is khaak se hai
Khwaab mein bhee tujhe bhoooloohn, to ra-wa rakh mujhe se
Wo ra-wa-ee-ya jo hawa ka khas-o-kha-shaak se hai
Bazm-e-anjum mein kabaa khaak kee pehnee mein ne
Aur meri saaree fazeelat is-see poshaak se hai
Itnee roshan hai teri sub-o, ki dil kehta hai
Yi ujaala to kis-see deeda-e-namnaak se hai
Haath to kaat dee-ay kooza-garohn ke ham ne
Moja-zay kee wa-hee umeed magar chaak se hai
-- Parveen shakir
Zainy
PalkoN ki baand ko tod ke daaman pe aa gira
Ek aaNsu mere zabt ki tauheen kar gaya...
Nm
|
|
|
|
|
Aapki dost
Offline
Posts: 7,325
Join Date: Feb 2008
Rep Power: 57
|
1st August 2010, 08:24 PM
Zainy
PalkoN ki baand ko tod ke daaman pe aa gira
Ek aaNsu mere zabt ki tauheen kar gaya...
Nm
|
|
|
|
|
Aapki dost
Offline
Posts: 7,325
Join Date: Feb 2008
Rep Power: 57
|
nazm -
2nd August 2010, 04:39 PM
~*Shart*~
tera kehna hai...
"mujh ko Khaliq-e-kon-o-makaan ne
kitni dheron naimatein dee hain
meri aankhon mein gehri shaam ka daaman kushaan jadoo
meri baaton mein ujle mausamon ki gul fishaan khushboo
mere lehje ki garmi mauja-e-gul ne tarashi hai
mere alfaz per qaus-e-qazah ki rang paashi hai
mere honton mein daisy ke gulabi phool ki rangat
mere rukhsaar per gulnaar shaamon ki jawan hiddat
mere haathon mein pankharion ki shabnam lams narmi hai
mere baalon mein barsaaton ki raatein apna rasta bhool jaati hain
mein jab dheeme surron mein geet gaati hoon
tu sahil ki hawaein
adh khule honton mein, piyase geet leker
saaya-e-gul mein samat kar baith jati hain
mera fun soch ko tasveer deta hai
mein hurfon ko naya chehra
tu chehron ko huroof nau ka rishta nazar karti hoon
zaban takhleeq karti hoon "
tera kehna mujhe tasleem hai
mein maanti hoon
us ne meri zaat ko behad nawaza hai
Khuda-e-barg-o-gul ke saamne
mein bhi dua mein hoon, sarapa-e-shukar hoon
us ne mujhe itna bohot kuch dedia...lekin
tujhe de de tu mein jaanoon!
--PARVEEN SHAKIR
Zainy
PalkoN ki baand ko tod ke daaman pe aa gira
Ek aaNsu mere zabt ki tauheen kar gaya...
Nm
|
|
|
|
|
RADHE RADHE
Offline
Posts: 4,115
Join Date: Oct 2009
Location: DELHI
Rep Power: 58
|
4th August 2010, 01:37 PM
हमारे दरमियाँ ऐसा कोई रिश्ता नहीं था
तेरे शानों पे कोई छत नहीं थी
मेरे ज़िम्मे कोई आँगन नहीं था
कोई वादा तेरी ज़ंज़ीर-ए-पा बनने नहीं पाया
किसी इक़रार ने मेरी कलाई को नहीं थामा
हवा-ए-दश्त की मानिन्द
तू आज़ाद था
रास्ते तेरी मर्ज़ी के तबे थे
मुझे भी अपनी तन्हाई पे
देखा जाये तो
पूरा तसर्रुफ़ था
मगर जब आज तू ने
रास्ता बदला
तो कुछ ऐसा लगा मुझ को
के जैसे तूने मुझ से बेवफ़ाई की
परवीन शाकिर
Aapka Apna Ishk
'इश्क' के बदले इश्क चाहना तिजारत है
इज़हार किससे करें महबूब तो दिल में है
email: rkm179@gmail.com
|
|
|
|
|
RADHE RADHE
Offline
Posts: 4,115
Join Date: Oct 2009
Location: DELHI
Rep Power: 58
|
4th August 2010, 01:47 PM
बाद मुद्दत उसे देखा, लोगो
वो ज़रा भी नहीं बदला, लोगो
खुश न था मुझसे बिछड़ कर वो भी
उसके चेहरे पे लिखा था लोगो
उसकी आँखें भी कहे देती थीं
रात भर वो भी न सोया, लोगो
अजनबी बन के जो गुजरा है अभी
था किसी वक़्त में अपना, लोगो
दोस्त तो खैर, कोई किस का है
उसने दुश्मन भी न समझा, लोगो
रात वो दर्द मेरे दिल में उठा
सुबह तक चैन न आया, लोगो
परवीन शाकिर
Aapka Apna Ishk
'इश्क' के बदले इश्क चाहना तिजारत है
इज़हार किससे करें महबूब तो दिल में है
email: rkm179@gmail.com
|
|
|
|
|
RADHE RADHE
Offline
Posts: 4,115
Join Date: Oct 2009
Location: DELHI
Rep Power: 58
|
4th August 2010, 01:56 PM
बारिश में क्या तन्हा भीगना लड़की !
उसे बुला जिसकी चाहत में
तेरा तन-मन भीगा है
प्यार की बारिश से बढ़कर क्या बारिश होगी !
और जब इस बारिश के बाद
हिज्र की पहली धूप खिलेगी
तुझ पर रंग के इस्म खुलेंगे ।
परवीन शाकिर
Aapka Apna Ishk
'इश्क' के बदले इश्क चाहना तिजारत है
इज़हार किससे करें महबूब तो दिल में है
email: rkm179@gmail.com
|
|
|
|
|
RADHE RADHE
Offline
Posts: 4,115
Join Date: Oct 2009
Location: DELHI
Rep Power: 58
|
4th August 2010, 02:06 PM
मौसम
चिड़िया पूरी तरह भीग चुकी है
और दरख़्त भी पत्ता पत्ता टपक रहा है
घोंसला कब का बिखर चुका है
चिड़िया फिर भी चहक रही है
अंग अंग से बोल रही है
इस मौसम में भीगते रहना
कितना अच्छा लगता है
फ़ोन
मैं क्यों उसको फ़ोन करूं
उसके भी तो इल्म में होगा
कल शब
मौसम की पहली बारिश थी
परवीन शाकिर
Aapka Apna Ishk
'इश्क' के बदले इश्क चाहना तिजारत है
इज़हार किससे करें महबूब तो दिल में है
email: rkm179@gmail.com
|
|
|
|
|
Moderator
Offline
Posts: 15,199
Join Date: May 2006
Location: Chandigarh (Mohali)
Rep Power: 63
|
4th August 2010, 05:12 PM
Main tumharay aks ki aarzoo mein bass aayina hi bani rahi
Kabhi tum na samnay aa sakay, kabhi mujh pay gard pari rahi
Woh ajeeb shaam thi,aaj tak meray dil mein uss ka malal hai
Meri tarah jo teri muntazir, teray rastay mein khari rahi
Kabhi waqf-e-hijr main ho gaei,kabhi khwab-e-wasl mein kho gaei
Main faqeer-e-ishq bani rahi, main aseer-e-yaad huwi rahi
Bari khamshi say sarak kay phir meray dil kay gird lipat gaei
Woh rida-e-abr-e-sfed jo sar-e-kohsar tani rahi
Huwi uss say jabb meri baat bhi,thi shareek-e-dard woh zaat bhi
To na janay kon si cheez ki meri zindgi mein kami rahi
-Parveen shakir i
~~~~~~~~~~~~~~~~~~~~~~~~
.....Sunita Thakur.....
यह कह कर मेरा दुश्मन मुझे हँसते हुए छोड़ गया
....के तेरे अपने ही बहुत हैं तुझे रुलाने के लिए...
|
|
|
|
|
RADHE RADHE
Offline
Posts: 4,115
Join Date: Oct 2009
Location: DELHI
Rep Power: 58
|
5th August 2010, 04:09 PM
Dil ki barbaadi ka koi silsilaa pahle se tha
Is chiraGh E shab pe altaaf E hawa pahle se tha
Us ke yuN tark E muhabbat ka sabab hoga koi
Ji nahi yeh maanta wo bewafaa pahle se tha
DonoN apni zindagi ke chhutpute meN haiN magar
Is tarah milna muQaddar me likha pahle se tha
Ab to zakhm E dil namak khaar E tawajjoh hai tera
Naam par jari tere harf E dua pahle se tha
Raasta bhoola nahi abke parinde khushkhabar
Aur kuchh ujRa hua shahr E sabaa pahle se tha
Tere aane se to bas zanjeer hi badli gayi
Hum asiiroN pe jafaa ka baab waa pahle se tha
parveen shakir
Aapka Apna Ishk
'इश्क' के बदले इश्क चाहना तिजारत है
इज़हार किससे करें महबूब तो दिल में है
email: rkm179@gmail.com
|
|
|
Posting Rules
|
You may not post new threads
You may not post replies
You may not post attachments
You may not edit your posts
HTML code is Off
|
|
|
Powered by vBulletin® Version 3.8.5 Copyright ©2000 - 2024, Jelsoft Enterprises Ltd.
vBulletin Skin developed by: vBStyles.com
|
|