Quote:
Originally Posted by maikasH
ek taaza Ghazal mehfil ki nazr
mulaiiza kijiye :
yaad kuch khwaab puraane aaye
zaKhm chhil'ney ke zamaane aaye
ashk roke to laraz uTThe hoNTh
dard humko na chhupaane aaye
jaan le kar bhi na voh chup baiThe
khaak turbat ki uRaane aaye
khaahisheN uTh'tee haiN aNgRaayi le ke
jab ti'ree yaad sir'haane aaye
aaj phir us se khafaa ho baiThaa
kaash voh phir se manaane aaye
umr bhar khoob kamaayi daulat
chaar kaNdhey na uThaane aaye
ilm tab apni tabaahi ka huaa
yaar jab sog manaane aaye
zahn-o-dil TooT chuke haiN “maikash”
hosh phir bhi na thikaane aaye!
|
Ustaad mehfil loot li aapne...aapki ghazal ko aabhi abhi compose kiyaa hai behad mazaa aaya Janaab..
yun to har sher muqammal raha par is sher ne dil se aah nikaal kar hi dam liya...
umr bhar khoob kamaayi daulat
chaar kaNdhey na uThaane aaye
Nacheez ki daad qubool farmiyeGaa..