Faasley...

[naina_cooleyes]

Faasley aise bhii honge ye kabhii sochaa na thaa
saamane baithaa thaa mere aur vo meraa na thaa
vo ki Khushbuu kii tarah phailaa thaa mere chaar suu
main use mahasuus kar sakataa thaa chhuu sakataa na thaa

raat bhar us kii hii aahaT kaan mein aatii rahii
jhaank kar dekhaa galii mein koii bhii aayaa na thaa
aks to maujuud the par aks tanahaaii ke the
aaiinaa to thaa magar us mein teraa cheharaa na thaa

aaj us ne dard bhii apane alahadaa kar diye
aaj main royaa to mere saath vo royaa na thaa

yaad karake aur bhii takaliif hotii thii "dost"
bhuul jaane ke sivaa ab koii bhii chaaraa na thaa

[fryend]

Duur reh ker ik jhalak dikhlaye to hai
Phir se wo sada yahan aye to hai
Aap ke aa jane se kamre main mere
Roshni ki kiran chhaye to hai
dekhye kab tak dil mera behal jaye
Dekh ker teri tasweer tabiyat behlaye to hai
Tumhare bina main akela nahi hoon janaa
Sath rehti mere tanhaye to hai
Phir kisi ko apna hamsafar bana len ge
Fikr na kerna pas mere raanayi to hai
Jis ki ulfat par bata dawa tha humaein
aaj is ne ki mujh se bewafayi tau hai

[naina_cooleyes]

Duur reh ker ik jhalak dikhlaye to hai
Phir se wo sada yahan aye to hai
Aap ke aa jane se kamre main mere
Roshni ki kiran chhaye to hai


V nice.....
Aapne zaroor suna hoga...umeed pe duniya kaayam hai..

zindagi jeene ke liye bas ek umeed hi bahut hai

Mohabbat....
Naina