Quote:
Originally Posted by B.G.M.
Sameer bhai, aadaab!
"faiz" ki Ghazal aur is ki zameen mujhe bhi bahot pasand hai, yaad dilaane kaa shukriya!
aap hameshaa achChhi achChii GhazaleN yahaaN pesh karte rehte haiN,
Allah kare zo'r-e-inteKhaab aur ziyaadah!
bas, isii zameen meN "Hasrat" Jaipurii ki yeh taKhleeq bhi dekhiye, aur bataa'iye kih pasand aayii kih nahiiN
--------------
Ghazal
Jab pyar nahiiN hai to, bhulaa kyuuN nahiiN dete
Khat kis liye rakkhe haiN, jalaa kyuuN nahiiN dete
kis waaste likkhaa hai hathelii pe mira naam
gar Harf-e-Ghalat huuN, to miTaa kyuuN nahiiN dete
Lillaah! shab-o-roz ki uljhan se nikaalo
tum mere nahiiN ho to, bataa kyuuN nahiiN dete
reh reh ke nah taRpaa’o , ay be-dard maseeHaa!
haathoN se apne zehr pilaa kyuuN nahiiN dete
jab us ki wafaa’oN pe yaqeeN tum ko nahiiN hai
“Hasrat” ko nigaahoN se giraa kyuuN nahiiN dete
~Hasrat" Jaipuri
==================================================
|
Masha Allaah janaab........... nageenaa hai nageenaa.....
kyaa khoob ghazal peh ki hai aapne bazm me..... ek baar fir ise padh kar dil ko behad sukoon haasil huaa hai.......
ise pahle maine sunaa hai Ahmad hussain & md hussain saahab ki aawaaz me... kyaa khoob samaa baandhaa hai ke bas naa poochiye.....
aur haan sabse aham baat ke main behad khush hoon aaj aapkii daad aur pazeeraai kubool kar ke..... tashreef laate rahiyegaa....
mukhlis...