Rahoon Main Kahin Bhi.....

mohsinlove · **Rahoon Main Kahin Bhi..... -** 9th June 2002, 01:18 AM

adaab tamaam naazreen
bare din baad koi ghazal likh raha hoon . plz is baar koi comments zaroor pass kar dejeiga taake main samjh to sakon main aage likh bhi sakta hoon ya nahin

rahoon main kahin bhi mere paas ek inaam to hai
tere haathon par likha mera naam to hai

kare tu kuch bhi chahe acha ya bura
tu zamane main mere naam se badnaam to hai

shyd ke is hijz baad naa mil sakenge hum
phir bhi mere pass woh yaadon bhari shaam to hai

nahin millen ab duniya main to bhi koi baat nahin
bura hi sahi is mohabbat ka koi anjaam to hai

to naa mil saki itni koshishon ke baad bhi
shukar hai duniya main abhi baqi jaam to hai

karti hai duniya sitam humhe majnoo keh kar
lekin teri yaadon ke sahare humhe kuch araam to hai

shayri12345 · **wow -** 9th June 2002, 04:10 AM

wow mohsin ji..greatly said

khush hai hum ki unki yaadddon me mere naam ki shaam to hai.
aur hum hai ki har shaan unko hi naam par tanhayi e judayi to hai.

Luv Priya...>>

maikasH · 9th June 2002, 04:38 AM

mohsin sahab

aapne commnents talab kiye.....aapki khidmat meiN haazir huuN

sabse pehle to aapko aagaah karna chahuNga ke shayri ki aabru neelaam mat kijiye.....sahab ye ghazal "aapki nahiiN hai"

ye janaab "sabir jalalabaadi" ki kahi hui hai...aur ghazal ko toD-maroD kar jo aapne is pe apni mohar lagaane ki nakaam koshish ki hai uspe mujhe saKht afsos ho raha hai....!!

ahl-e-bazm ki jaankaari ke liye asal ghazal kuch is tarah hai :-

tu kahin bhi rahe, sar pe tere ilzaam to hai,
tere hathon ki lakiron mein mera naam to hai

mujko tu apna bana ya na bana teri khushi,
tu zamane mein mere naam se badnaam to hai

mere hisse mein koi jaam na aaayaa na sahi,
teri mehfil mein mere naam koi shaam to hai

dekh kar log mujhe naam tera letay hain,
is pe main khush hoon mohabbat ka ye anjaam to hai

woh sitamghar hi sahi dekh ke usko 'Sabir',
shukar is dil-e-bimaar ko aaraam to hai

mohsin sahab...aapne pehle bhi ek dafaa janaab "mohsin naqvi" ki ye ghazal :-

ret par likh ke meraa naam miTaayaa na karo
aa.Nkhe.n sach bolatii hai.n pyaar chupaayaa na karo

apne kehte hue post ki thi....aapki woh pehli khataa samajh kar maiN khamosh raha lekin janaab be-adbii ki bhi koi hudd hoti hai....

aapse guzaarish hai ke kuch apna likheN ...ustaad shayaroN ke kalaam churaa kar apne naam se post mat kijiye.....agar aap ye samajhte haiN ke aapke siwaa kisi shakhs ko ye ilm nahiiN hai ke yeh kalaam kis sha'iir ke haiN to aap ghalat soch rahe haiN.....

mujhe ummiid hai aap aiiNdaa aisi gustaakhi nahiiN kareNgey

aadaab
maikasH