Tamanna hai ke ab ho jaau mai dast-e-hina tera -
5th November 2016, 05:28 PM
Tamanna hai ke ab ho jaau mai dast-e-hina tera
Pata tujh ko nahi hai kitna unncha martaba tera
Tujhey tashkeel di hai intehaayi husn se rab ne
Nahi maloom tujh ko hai fida tujh pe khuda tera
Raha na hosh pee ke jaam bhi terey nigaaho ke
Utarta hi nahi jee se gazab hai ye nasha tera
Elaaj- e -dard-e-dil ho na saka ab charagar se bhi
Kiya jisney shifa mujh ko voh nazro ka dawa tera
Karey hai shehr ke deewaaney ab tera taa'qub bhi
Tu ik chalti huee jannat hai iss mai kya khata tera
Terey kirdaar mai hai gauhar-e-nayaab kuch aisey
Kahu kya aye pari andaaz hai sab se juda tera
Karey hai rashk bhi arbaab-e-jannat husn se terey
Pasand aata hai ab ehel-e-zameeN ko har ada tera
Lage tujh ko meri har baat jhuuti par yehi sach hai
Mujahid ki ragho mai behta hai khoon-e-wafa tera
FEW MEANINGS
Dast-e-hina= haatho ki mehendi
Martaba= rank/status
Tashkeel= shape
Intehaayi= extreme
Charagar= healer/physicion
Shifa= cure
Taa'qub=follow
Gauhar-e-nayaab= rare quality
Rashk= jealous
Arbaab-e-jannat= angels of paradise
Kya ishaara karey ye hawaaiye
Gaur se sun zara tu sadaaiye
Khushk pattey bhi kehte bohat kuch
Shabnami phool jo keh na paaiye
|