har dua ko apni hote beasar dekha kiye..

[Madhu 14]

har dua ko apni hote beasar dekha kiye
umra bhar is dil ko apne muntzar dekha kiye

vo jise bhooli hai meri oor aati har gali
Ham usi ke vaste sooni dagar dekha kiye

vo kisi fursat ke lamhe takta hoga chaand ko
Soch kar ham raat bhar ujla qamar dekha kiye

Dil jigar jalta raha hai aag aisi ishq ki
Ye tamasha har ghadi har ik pahar dekha kiye

unki ankhein darya jaisi gahri aur khamosh hain
Khud ko unme doobte Sham o seher dekha kiye.....

.....madhu.