Zindagi ka mausam badal raha hai... -
26th July 2007, 02:25 PM
Zindagi ka mausam badal raha hai
Aankhon mein neend hai
Par neend se aankh nahin lag rahi…
Kuch to hai..
zindagi ka mausam badal raha hai
Hansi ki khilkhilahat to aaj bhi hai
Par khilkhilahat mein se hansi gum si hai
Aankhein to aaj bhi hansti hain
par saath kuch nam si hain…
Kuch to hai
Zindagi ka mausam badal raha hai
Main se hum hone ki khushi abhi khatm nahin hui
Ke hum mein main dhoodhne ki chahat ho gayi
Manzil to shayad mil bhi jaati
Bas dhoondhne ki hasrat kho di
Kuch to hai
Zindagi ka mausam badal raha hai