TakhiaN-1

[Brijinder]

TalkhiaN


Tu mujh pe karay sang ki baarish
MaiN zubaN bhi hilauN to gunahgaar banuN
MaiNney banaaya aazaadi ko ahud apna
Teri tamn_na ki maiN tera ahalkaar banuN

Meri takhleeq meiN nahiN jo shokhioN ke dum
To teri nazar meiN koi sukhnwar hi nahiN
MaiN afkaar ki hudd se guzar jaaney ka huiN Qayal
Aur terey jahan-e-adab meiN maiN koi shaayar hi nahiN

Meri zidd ki maiN isay rif_atauN pe bithauN
Teri shart ki maiN isay kuch neechay utaar lauoN

Shaayri mehaz byaan-o ishq-o-raqeeb-o saaqi-o-jaam nahiN
Yeh rah-e-irtaqa-e-insaani hai bus fasun-e-alfaaz ka naam nahiN

Daad apnay asha_ar ki isliyey shayud kabhi sun na pauNga
KaliyaN nishat-e-tasleem-e-fun ki shayud kabhi chun na pauNga

Apni apni jagah "Sagar"
hum tum dono hi majboor haiN
Main apnay ahud ka hamil
Aur teray myaar khud meiN magroor haiN
---------------
Meaning;
ahalkaar- ji hazuri karnay wala, rif_atauN-uNchaiN, rah-e-irtaqa-e-insaani- Insaan ki raakki ki raah, fasun-e-alfaaz -ShabdoN ka jaadu(shabjaal), nishat-e-tasleem-e-fun- garden of recognition of ARt, Ahud-promise, haamil-pacca

[Parastaar]

Hamesha ki tarah yeh ghazal bhi behetereen rahi...khaas taur pe yeh ashaar...daad kabuul kijiey...

Shaayri mehaz byaan-o ishq-o-raqeeb-o saaqi-o-jaam nahiN
Yeh rah-e-irtaqa-e-insaani hai bus fasun-e-alfaaz ka naam nahiN

Daad apnay asha_ar ki isliyey shayud kabhi sun na pauNga
KaliyaN nishat-e-tasleem-e-fun ki shayud kabhi chun na pauNga

[Brijinder]

Thanx a lot for the warm words of appreciation.
Am going to India for about 6 weeks.I belong to Chandigarh.I shall try to stay in touch with u all.Going back is always recharging for me.