Daag jee ki chuninda ghazal

[ISHK EK IBADAT]

ranj kii jab guftaguu hone lagii
aap se tum tum se tuu hone lagii

chaahiye paiGaamabar dono taraf
lutf kyaa jab duu-ba-duu hone lagii

[paiGaamabar=messenger; duu-ba-duu=ruu-ba-ruu]

merii rusawaaii kii naubat aa gaii
unakii shoharat quu-ba-quu hone lagii

[rusawaaii=badanaamii; quu-ba-quu=galii-galii]

naazir ba.D gaii hai is qadar
aarazuu kii aarazuu hone lagii

[naazir=seeing observant]

ab to mil kar dekhiye kyaa rang ho
phir hamaarii justajuu hone lagii

'DaaG' itaraaye hue phirate hai.n aap
shaayad unakii aabaruu hone lagii



aafat kii shoKhiyaa.N hai.n tumhaarii nigaah me.n
mehashar ke fitane khelate hai.n jalwa-gaah me.n

wo dushmanii se dekhate hai.n dekhate to hai.n
mai.n shaad huu.N ke huu.N to kisii kii nigaah me.n

aatii baat baat mujhe yaad baar baar
kahataa huu.N dau.D dau.D ke qaasid se raah me.n

is taubaah par hai naaz mujhe zaahid is qadar
jo TuuT kar shariik huu.N haal-e-tabaah me.n

mushtaaq is adaa ke bahot dard-ma.nd the
ae DaaG tum to baiTh gaye ek aah me.n




aarazuu hai vafaa kare ko_ii
jii na chaahe to kyaa kare ko_ii

gar marz ho davaa kare ko_ii
marane vaale kaa kyaa kare ko_ii

[marz=illness]

koste hai.n jale hue kyaa kyaa
apane haq me.n duaa kare ko_ii

[kosanaa=to curse]

un se sab apanii apanii kahate hai.n
meraa matalab adaa kare ko_ii

tum saraapaa ho suurat-e-tasviir
tum se phir baat kyaa kare ko_ii

[saraapaa=from head to toe; suurat-e-tasviir=like a picture]

jis me.n laakho.n baras kii huure.n ho.n
aisii jannat ko kyaa kare ko_ii

[huur=fairy; jannat=paradise]



Mujhsa na de zamaane ko, parvardigaar dil
Aashufta dil, fareefta dil, beqaraar dil

Nikle meri bagal se woh aisi tadap ke saath,
Yaad aayega mujhe wohi be-ikhtiyaar dil

Har baar maangti hain naya chashm-e-yaar dil,
Ik dil ko kis tarha se banaaun hazaar dil

Karte ho ehd-e-vasl to itna rahe khayaal,
Paimaan se zyaada hai napaayedaar dil

Aalam hua tamaam, raha ussko shauq-e-zor,
Barsaaye aasmaan se parvardigaar dil

Pehle pehel ki chaah ka kije na imtehaan,
Aana to seekh le abhi do chaar baar dil

Mashhoor hain sikandar-o-jaam ki nishaaniyaan,
Aye 'daagh' chhod jaayenge hum yaadgaar dil