Quote:
Originally Posted by Mujahid Ali
Mai jannat- e -hindustaaN kashmeer mai kashmeer hu
Urdu meri qaumi zubaaN kashmeer mai kashmeer hu
Sab se haseeN mera jahaaN kashmeer mai kashmeer hu
Mujh sa nahi koee yahaaN kashmeer mai kashmeer hu
Dilkash nazaare mausam- e -abraad ye pehchaaN meri
Har zaat har mazhab yahaa aabaad ye pehchaaN meri
Mai suufiyo ka aashiyaaN kashmeer mai kashmeer hu
Mai jannat- e -hindustaaN kashmeer mai kashmeer hu
Meri pareshaani se merey apney hijrat kar gaye
Ehel- e -siyaasat naam pe merey siyaasat kar gaye
Mai khitta-e-amn-o-amaaN kashmeer mai kashmeer hu
Mai jannat- e -hindustaaN kashmeer mai kashmeer hu
Maqbooz karne ki mujhe din raat koshish kartey hai
Kamzor karne ke liye kuch ghair saazish kartey hai
Na kar mujhe yu be-kasaaN kashmeer mai kashmeer hu
Mai jannat- e -hindustaaN kashmeer mai kashmeer hu
Jaaney khuda hi kya merey taqdeer mai maktoob hai
Sach toh ye ehel- e -hind ko tu jaan se mehboob hai
Mai hu waja- e -sargiraaN kashmeer mai kashmeer hu
Mai jannat- e -hindustaaN kashmeer mai kashmeer hu
FEW MEANINGS
• Mausam-e-abraad= winter season
• Hijrat= migrate/palaayan
• Ehel-e-siyaasat= politicians
• Maqbooz= seize
• Be-kasaaN= alone/helpless
• Maktoob= written
• Waja-e-sargiraaN= reason of pride
|
Mujahid bhai aapki is sachhi aur behatreen ghazal ko khaaksaar ka salaam..bahut asardar aur gehri baat kahi aapne kaash ki ye buland aawaaz un kaano tak pahuche jo apne napaak iraadon se is gulshan ko lahunumaa kar rahein hai....
ek baar phir sar jhukaa kar salaam aapki soch ko..likhte rahiye