Suntaa rahaa hun, tumko gulon sey hai muhabbat! -
11th December 2010, 05:26 PM
Kahney ko bahut kuchh hai jigar mein, dimag mein!
Lagta hai ab: jaleyngey nahin aur aag mein!!
Suntaa rahaa hun, tumko gulon sey hai muhabbat:
Roshan har-aik raat guzaaree hai baag mein!
Khwaahish hai, ki, hamkhwaab ban raho tamaam umra:
Ham-khwaab paa tumhain magar parhaa hun jaag main!
Daaman ko kyaa huaa hai, ki, aa deykhtey hain log?
Kyaa koyi barq aa utar gayee hai daag mein?
Baaqee hai ab bhi syaah raat intizaar kee:
Baaqee hai mahaz jaan magar ab charaag mein!
Khojaa kahaan nahin hai tujhey baarahaa, 'abd',
Haasil nahin huaa hai magar kuchh suraag mein!!
- abd bundeli
|