Shayri.com - Aur - Aap sab ke liye

Vipinbox · **Shayri.com - Aur - Aap sab ke liye -** 6th October 2002, 03:24 AM

==============================================
==============================================

Mere pyare doston,

Mujhe bahut khusi hui hai aap sab ki shayri parkar. Bethar se bethar lafzon ko padkar dil ko sukoon mila hai aur yeh sab saakaar kiya hai www.shayri.com ne. Mujhe yakeen bhi hai ki aap hi logon mein koi na koi kal ooncha mukaam haasil karega. Yahan woh sab parne ko mila hai jo behtareen se behtareen shayar kabhi likh nahin paya hai. Main aap sab logon ke aur shayri.com ke saamne sar jhookata hoon. Jinki mehnat ne Duniya ke kuch shayron ko hila diya hai.

Par mere doston, "Shayri-e-dard" ne insaan ko insaaniyat samajhne ka ek behtareen mauka diya hai. "Dard" woh lafz hai jo ooparwale ne thora-thora hum sabhi ko diya hai. Har insaan aaj dard mein jee raha hai. Mujhe afsos sirf iss baat ka hai ki yahan jaadatar shayri Mashook ya premika se juri milti hai. Kya dard insaan ko sirf Mashook ya mashooka hee deti hai?????, Kya dard kisi ke dhoka dene se hee milta hai?, Kya dard ki sirf yahi paribhasa hai?.........Dard!!!, agar yahin tak hai tow main apne aapko bahut gareeb mehsoos kar raha hoon kyon ki main aaj tak Dard ko sirf insaaniyat ki maar samajhta tha. Magar mujhe ab ehsaas ho chuka hai ki main bahut hee choti soch ka maalik hoon. Shayad main ab kabhi bhi likh nahin paoonga kyonki aap sab ke beech main khud ko "Lafzon/Shabdon ka ek gareeb lekhak mehsoos kar raha hoon." Mujhe khusi sirf ek baat ki hai ki main aap logon ki shayri hamesha padta rahoonga.

Agar maine shayad kuch galat likha hai, jiss se aapko tthes pahunchi hai tow muaafi chahoonga. Magar maine aaj ek 07 saal ki bacchi(little girl) ko apne saame martey dekha hai. Uski maut mujhe sikha gayi hai ki sirf Likhne se hi kuch nahin hota hai. Hum log shayri ya kavita ke roop mein likh kar apna dukh halka kar dete hain, magar woh kya kare jo apna dukh apne seene mein daba kar iss duniya se chale jaate hain....hamesha hamesha ke liye.

Vipin
................ek gareeb lekhak.

==============================================
==============================================

shaheenindia · **Not so easy to change -** 6th October 2002, 01:56 PM

Hello Vipin,

Why you are doing this? what's wrong with you, are you okay. Vipin , please do write me back

shn

Nitin · **heloo!! -** 6th October 2002, 04:28 PM

hello vipin ji

aap ne jo kuch bhi dard ke baare mian likha hai bilkul sahi likha hai, insaan ko mahobbat ke gam ke siva aur bhi kai dukh hote hai lekin jab kuch likh kar {as a shayri} apane gan hum sabhi ko batana chahateN hai to vaha sirf kisi ki bewafai ya mahobbat ke dard tak hi likhate hai ,aapne ye bahut hi accha sawal kiya hai kya kisi ke dhokha dene se hi dard milta hai? or is sawal ka jawab to sabhi jaante hai ki mahobbat ke gam ke siwa bhi is duniya main lakhoN gam hai but these days love is a passion or may be a fashion for most of the youngsters and if they don't get what they want then it's all over... this pain is bigest for them than any other, hum pyar ke gam ko sabhi ke saamne aasani se bata dete hai par kisi or dard ke baare main likhna nahi chahte hai
bcoz it's really very easy to blame some one or may be that hum apane dusre gamoN ko kisi ke saath share nahi karana chahte.

i think "shayri-e-dard" jabhi compelete hoga jab usme humare dusre gam bhi shamil honge.

or vipin ji aap pls likhna mat chodiye kyuki u r the only one here jo apane dard ke baare main na likhkar dusroN ke dard ko mahsus karke unke baare main likhte hai.

"duniya mian kitna gam hai , mera gam to phir bhi kam hai"

Rini · 7th October 2002, 03:57 AM

To Vipin ji

Sir, aapne jo ye sub likhe hai us se ye sabit ho gaya hai ki aap yahan subse alag sochte hai. maine yahan shayri com men pehli bar kisi ko dekha jisne apne dard ke khoon se kisi or ka dard bayan kiya hai. bhagwan us bachi ki atma ko shanti de. Per Sir, aap likhna mat chodna cause log bh lot's of people are still there to think. Aapko abhi bahut se logn ko samjana hai ki dard asliyat men kya hai. Believe me Sir, only you can do this job. Please never stop writting. Ham sabi ko aapki agli shayri ka intejar rahega.

take care
Rini

Chaand · **Eisa kyoN -** 7th October 2002, 11:37 AM

Vippin ji, Aap ne jo kuchh bhi likha hai, weh sab bilkul sahi hai, or mai tahe dil se aapke JazbaatoN ki qdr karta hooN.

Par ey mere pyaare dost ye duniya jis tarah sukh-dukh ka sangam hai usi tarah janm or mritu ka bhi sangam hai , ye baat or hai ki kisi ki kismat me ye safar bahut lamba hota hai or kisi ka safar shuru bhi nahi ho paata or khatm ho jaata hai, koi mere dil ke bahut kareeb hai to mujhe uske halke se dard ka bhi ehsaas hoga, or koi itna door hai ki aksar uska bade se bada dard mai shayad sunkar kuchh samay me bhula dooNga, yahi human nature hai, halaki eisi sankuchit mansikta par hameiN sharm aani chaahiye.

Ham insaan log bade bhavuk hote haiN, aksar jo apna dard hai wo apnoN me baantna chaahte haiN, or aamtor par ham apni mohoobbat ko hi jindgi ki sabse badi shikasht ya jeet bana lete haiN isi liye naakaami milne par ham itne maayoos ho jaate haiN ki kisi or ka dard tak nahi dekh paate, Mai bas itna hi kahooNga.

Mere dost har shaksh Mahatma Gandhi , to nahi ban sakta, par apni chhamtaoN or paristithiyaoN ke mutabik jitna ban pade Insaaniyat or vishv ke liye karna chaahiye, or dost shayad tumhe khabar nahi ke aapka ye jo likhne ka hunar hai ye har ek ke paas nahi, or tum kuchh bhi aachha likh kar, jitne log use pathte haiN unhe kuchh sikha sakte haiN,.

Or ant mai yahi kahooNga ke nirash na ho, or yooNhi aacha likhte raho, shayad hame hi aapse kuch sikhne ko mile , jo ham kuch or logoN me baant sakeiN or is tarah aapki baat jan jan tak pahuNch sake.

Dost kuchh log markar is duniya se vida ho jaate haiN or kuchh bechaare roj marte haiN kabhi bhookh se kabhi thand se or kabhi beemaari se. Unke baare mai bhi socho roj kitna dard sehen karte hain.

So think again, we don't want to miss you

Thanks

Regards

Chaand

shaheenindia · **????????????? -** 7th October 2002, 01:07 PM

Mr. Vipin,

If u want to leave this site then you can. ok?
per mere sawaalon ka jawab dekar

Shn

Kavita · **Vipin JI -** 8th October 2002, 05:35 AM

Vipin JI,
Namastai,
Aapnai jo kuch likha hai sab sach hai.Duniyaan mai aur gam bhi hai,par jaisai janaab Chaand nai kaha ki "janam or mritu bhi jeevan ka ek hissa hai".Bhagwaan us nahni si bachhi ki aatma ko shanti dai.Par kya agar koi guzar jayai ya hamarai paas na ho to kya woh hamsai door ho jaatai hai?Maana ki us nahni si ladki jisam aur jaan mai ab nahi rehi par woh apnai pyaar karnai walon mai hamesha zinda rahegi.Aur jaisai auron nai kaha ki aap hi aisai insaan hai jo apna dard bhula kar auron ka dard daikhtai hai.Aapsai guzarish hai...kripaya likhna aur shayri.com par aana na chodai.Pata nahi mujh jaisai aur kitnai log yahan par aapsai kitna kuch seekhtai hai.
Gam kai daaman mai
chupa hai chain yaaron.
Aasha hai ki aap hum sab ko chod kar nahi jayengai.

Pyaar aur izzat kai saath,
Namastai,
Kavita.

bachelordotcom · 8th October 2002, 01:23 PM

Vipin ji,

Nahin aap aisa nahin kar sakte, agar aapko lagta hai ki yahan koi dard ka poora matlab nahin janta to app sikhao log ko. yahan apki jarurat hain. hum sabhi ko. Vaise main aapko man hi man mein guru keh chuka hun. please apne sisya ki baat maan lo. phir kuch nahin magunga.

pleaseeeeeeeeeeeeeeeeeeeeeeeeeeeeeeeeeeeeeeeee

vivek

geetanjali · **why? -** 8th October 2002, 10:49 PM

Hi Vipin,

What happen?, actually today is 1st day aur maine aapki shayri mein click kiya to samne apki kahani thi. aap sab se khafa kyu hai? parkar afsos huva apki baat. vaise abhi maine apki baki shayri nahi padi, padkar hi pata chalega ki kya huva. Vipin, aise kisi se khafa nahin huva jata.

Thankyou
Geetanjali

Vipinbox · 9th October 2002, 01:01 PM

Channd ji, Rini ji aur Kavita ji,

Mujhe sukoon pahuncha hai kyonki mere saath-saath aapne bhi uss nanhi bacchi ki atma ko shanti milne ki apne ooperwale se dua ki hai. Aap logon ka bahut bahut dhanyavaad. Aur KAVITA ji, Shayri.com mein aane ki baat hai tow main yahan roj aap doston ki behtareen shayri padne aata hee hoon. Aap sab ki sher/kavita/rachna/lekh parkar bahut accha lagta hai....Per main Likhe ka vaada nahin kar sakta. Main sochta hoon ki koi baat likhne se accha hai ki main woh sab karun jo main likhna chahata tha. CHAAND ji, aapne bhi kuch baatein aisi likhi hain jis se insaan ko kabhi kabhi samjhota karna parta hai. Maine aapki jo shayriyan padi hai...sach mein bahut accha likhtey hain aap. Aap kabhi Kalam ka saath matt chorna.

Dhanyavaad
Vipin
......ek shoonya

Vipinbox · 9th October 2002, 01:02 PM

Nitin ji aur Bachelor Sahab,

Meri soch ko padne ke liye dhanyavaad....NITIN ji, You are right 'bout that Youngsters concern. They don't even know the actual meaning of Love or Pain. Pyar ko sach mein ek fashion bana dala hai aaj ke yuvak ne. Nasha karna woh apni shaan samajte hain. Sach se bahut door ja rahe hain sab. Accha laga hai aapki baat ko padkar.
Aur BACHELOR sahab....Yeh kya keh rahe hain aap? Agar aap mujhe Guru keh rahe hain tow sach mein aapko Guru ka Arth nahin maloom. Itni aasani se aap kaise kisi ko bhi guru keh sakte hain. Meri aapse gujaris hai ki pehle aap apni soch ko badlo.....ek mamooli insaan ko aise kaise bitha diya itne oonche sthaan per. Yeh aapne apni aur meri nahin ...Guru shabd ki tauheen ki hai. Aap Kalpana mein kho kar ek Aakriti tayar karo aur uss Aakriti ko guru ka darja dow. Jis din aapne woh Aakriti bana di ...yaad rakhna uss din aap khud ko oonche sthaan per mehsoos karoge. Iss dost ki yeh choti si baat lo aap.

Dhanyavaad

Vipin
......ek shoonya.

Vipinbox · 9th October 2002, 01:04 PM

Shaheen ji,

Ask me what do u want? C'mon, go ahead, you can ask me anything...main vaada karta hoon ki aapke har sawal ka jawab doonga. Vaise mujhe yakeen hai ki aapko apne har sawal ka jawab meri kitaab mein mil jayega.

Dhanyavaad

Vipin
.....ek shoonya.

Vipinbox · **SHAYRI.COM -** 9th October 2002, 01:13 PM

Namaskaar Gaurav ji,

Meri Aapse gujaris hai ki shayri.com mein "Dard" jaise gambheer shabd/Lafz ka doosra pehlu bhi saamne laayen. Jiss se logon ko ehsaas ho jaye ki jo hamare seene mein DARD uthta hai uske bahut se kaaran hote hain. Vaise main ek chota sa insaan hoon per Baat aapse bahut badi maang raha hoon.

Jaisa ki Nitin saab ne kaha hai...

"Duniya mein kitna gam hai , mera gam tow phir bhi kam hai" ....Bahut badi baat kahi hai Nitin saab ne.

Umeed hai aap iss insaan ki baat per soch-vichaar karenge.

Dhanyavaad

Vipin
....ek shoonya

ZaraSuniye · 9th October 2002, 03:01 PM

Vipin ji:

aapki baatein padh kar bahut achcha laga. Yeh jaan kar khushii huii ke duniyaa mein aise shaks bhii hai jo auron ke dukhon ko dekh kar nazar pherne ke bajaaye, unke dukh ko mehsuus karte hai. Hame behad afsos hai ke aapko itni choti si nanhi si bachchi ko apne saamne is kadar dekhna paDaa. Rabb us bachchi ki aatmaa ko shaanti de aur aapko yeh haadsa dekhne ke baad hauslaa aur himmat de.

Baat yeh nahi hai ke log mohabbat ke siwa aur dukhon ko dekhte nahi hai ya mehsuus nahi karte. Jaha tak hamne logon ko samjhaa hai to yehi paaya hai ke jo dukh insaan ko apni vaishat ka ehsaas dilaaye aur use yeh dekhne par majbuur kare ke ussi jaisa insaan kis had tak gir sakta hai, use dekhne, samjhne, ya suljhaane ke bajaaye, insaan use nazar andaaz kar deta hai. Uski wajah yeh hai ke insaan is sachaai ko maan-na hi nahi chaahta ke duniya mein aisi baatein bhii hoti hai. Jo insaan is sachai se nazar milaa hi nahi sakta, uske baare mein likhegaa kyaa?

Kahii koi bachchi apni jaan se gayii, kahi koi aurat jalaa di gayii, kahi kisi baut hi kaabil insaan ko gariibii ki wajah se padne ka mauka nahi mila, kahi koi bahut hi kaabil aurat sirf is liye zindagi mein piche reh gayi kyunki vo ek aurat hai aur usse apna wajood talashne ka koi haq nahi. Yeh sab baatein rozana hoti hai lekin in par zyada tar kuch likha nahi jaata. Aur pyaar mohabbat par roz jaane kitne afsaane kahe jaate hai. Wajah sirf yeh hai ke sab ko khabar hai ke mohabbat hoti hai aur us mein dil bhii tootte hai aur unhe is baat se inkaar nahi hai. Lekin baaki sab baatein jo hamne kahi, vo sab jaante nahi ya phir yuun kahiye ke jaan-na nahi chaahte. Unke baare mein gar likha geya to unki sachai aur bhie mazbuut ho jaayegi aur insaan ko in baaton se aankh churaane mein zyada pareshaani hogi. Gar kisi ki baaton par vishwaas na ho to unse kaagaz par likhwaa liya jaata hai. Yeh kaagaz kalam mei bahut taakat hai, is liye insaan likhne se pehle so baar sochta hai. Shaayad yehi wajah hai ke insaan unhi baato ko likhta hai jinka wajood duniya pehle se maan chuki hai....kamzor hai insaan!
Lekin aapne bejhijhak apne dil ki baat kahi aur auron ko bhii kehne ka mauka diya, is liye duaa rahegi ke aap sada likhte rahe. Maana in topics pe likhne waale zyada nahi lekin qatre qatre se hi samundar banta hai.

Likhte rahiyega

- Zara Suniye

Vipinbox · 13th October 2002, 02:46 AM

Zara suniye ji,

aap ne theek kaha hai, Aapki rai lene ke liye dhanyavaad. Aage bhi mujhe aap ki rai ka intezaar rahega.

Vipin

geetanjali · **Please Vipin -** 13th October 2002, 10:51 PM

Hello Vippi (Soonya nahi),

Maine aapki sab shayri pari, achi nahin liki hai aapne. Acha nahin likte ho aap kyn ki aap bahooooooooooooot hi acha likte ho jiski koi misal nahi hai. Or main nahi samajti ki aap kisi baat par likna chod do. likna aapki kala hai ise auron men baton, kynki aap jasi shayri philhaal muje yaha padne ko nahi mili. sabse alag or sabse juda likte hai aap, agar apka ye hunar God-gifted hai to bagwaan apse khood keh raha hai likne ke liye. Ise sab ke saat baton, kynki gyan batne se kam nahi hota, is bahane hum sabi ko apse gyan milega. Agar kuch sochne ke baad apko lagta hai ki mai galt keti hun to alag baat hai. vaise hume umeed hai aap hum sab ke liye jarur likhnge.

PLEASE, LIKTE REHNA, HUM SAB KO KUSI HOGI.

Geetanjali

Chaand · **For Vippin -** 14th October 2002, 11:51 AM

Priye Vippin, pehle to meri hausla afzaai ke liye bahut bahut dhanyewaad, dost mai aapki soch ki bahut kadr karta hooN, kyon ki bahut kam log hote haiN jo kuchh karne ka hausla rakhte haiN, warna to sabhi bas dusroN se hi kuchh karne ki ummeed rakhte hain, meri saari shubhkaamnaeiN aapke saath haiN, apne is josh ko thanda mat hone dijiyega or jab bhi kuchh sikhne laayak mile in dostoN me jaaroor baantiyega.

Aapke 'Shunye' se mujhe mera ek sher yaad aa gaya ..

Shunye se shuru hokar
Shunye me khatm ho jaate haiN,
Kuchh na hote huwe bhi
Apne aap me Khuda ho jaate haiN.

May God bless you, and you will achieve whatever you want.

Regards

Chaand

rahul007 · 16th October 2002, 04:59 PM

Vipin

Bachelor sahab ki baat mein dum to hai. bahut sahi baat kahii hai.

Rahul

Shayar 4ever · **Why..?.. -** 16th October 2002, 06:49 PM

Respected Vipin sir,
Aaj mujhe aapko "hello","how r u?" poocchne ka mann nahi ho raha hai. yeh to unse poochha jaata hai jo hamare friends ho..Aaj aapke liye pehli baar dil mein "respect" jaag raha hai..Aapki soch insaano se uthkar hai..Aapne bilkul sahi farmaya hai ki dard sirf mohabbat mein dhokha khaane se hi nahi milta...
But Sir, we do not have any other expression for Pain..Sir we indeed need you for your guidance..Aap hi woh shakhs hai jo shayri.com par kraanti laa sakte hai..Please do not go away like this.. Aap jaa hi nahi sakte..Aapne abhi abhi to ek chhoti bacchi ki baat kahi hai..To kya aapko nahi lagta ki aap achcha likhkar unko Shukun de sakte hai...
Please do not stop writing...

Vipinbox · 17th October 2002, 02:51 AM

Shayar4ever sahab ji,

Aapne tow mujhe koi Politician bana diya hai. kranti aur revolution ki baat karke aur please mujhe SIR kehkar "Sir" jaise shabd/lafz ka apmaan matt kijiye. C'mon....I'm a very very n' very simple Insaan. Shoonya bhi keh sakte ho aap mujhe. Vaise aaj main ek nayi kavita likh raha hoon. Umeed hai aap aur shayri.com issey mehsoos kar sako.

dhanyavaad

Vipin
.......ek soonya

Kavita · **Vipin Ji -** 24th October 2002, 05:54 AM

Vipin Ji,
Namastai,
Aapki "nahni si bachhi ko samarpit" post padi aur khushi bhi hui aur dard bhi.Khushi is liye ki aapnai fir sai aur hamesha ki tarah itna achha likha aur dard isliye kyon ki aap ki kavita mai bohot dard hai.Aapki kavita pad kar apna khud ka bachpan yaad aa gaya aur kafi dair tak sochti rahi ki saat saal mai bachhai kitnai massom aur pyaarai hotai hai.Ek prarthna hai ki yun hi likhtey rahain kuoon ki kya pata ki jo koi kaam aap karna chahtai thai par kar nahi paayai ya karna chahtai ho par kar nahi saktai koi aapki kavita pad kar wo kaam kar dai.Or jaisai ki aapnai apni profile mai likha ki aap ek lekhak(journalist)hai to aap ko to kalam ki taaqat pata hogi.Isi liye aasha karti hoon ki aap yun hi likhtai rahegai.Agar mai kuch galat keh gayi to mauff kar dijega.
Pyaar aur Izzat kai saath,
Namastai,
Kavita