sar jhukaa-oge to patthar devata ho jayega - by Basheer Badra -
19th April 2005, 10:42 PM
sar jhukaa-oge to patthar devata ho jayega,
itna mat chaho use ,wo bewafa ho jayega,
hum bhi dariya hain,hame apna hunar malum hai,
jis taraf bhi chal padenge,raasta ho jayega,
kitni sacchai se mujhe zindagi ne kah diya,
tu nahi mera to koi,doosra ho jaega,
main khuda ka naam lekar,pee raha hoon doston,
zahar bhi isme agar hoga,dawa ho jayega,
sab usi ke hain,hawa,khushboo,zameeno-aasmaan,
main jahan bhi jaaonga,usko pata ho jayega,
- Basheer Badra
zindagI jab bhI terI bazm mein LAtI hai hamein
ye zamIn chAnd se behatar nazar AtI hai hamein
surkh phUlon se MAHEK uThatI hain dil kI rAhen
din Dhale yUN terI AvAz bulAtI hai hamein
----------------------------------------------
taeray Gham ki KhuShbu say jism-o-jaaN MAHEK uTThay
saaNs ki havaa jab bhi Choo kay maeray lab guzri
aek saath reh kay bhi, door hi rahay ham bhi
dhoop aur Chaa'ooN ki dosti ajab guzri
|