A Tribute To Parveen Shakir................

[zainy]

Aks-e-khushboo hooN bikharne se na roke koi
or bikhar jaaoN to phir mujhko na samaitay koi

kaanp uthti hooN maiN yeh soch ke tanhai meiN
mere chehre pe tera naam na padh le koi

jis tarha khwab mere hogaye raiza raiza
is tarha se na kabhi toot ke bikhre koi

maiN toU us din se hirasaan ke jab hukm mile
khushk phooloN ko kitaaboN meiN na rakhe koi

Ab to is raah se woh shaks guzarta bhi nahi
ab kis umeed pe darwaaze se jhanke koi

koi aahat, koi awaz, koi chaap nahi
dil ki galiyaN badi sunsaan haiN, aaye koi


--PARVEEN SHAKIR




Parveen Shakir was born on 24th November, 1952 in Karachi, Pakistan. She was highly educated with two masters degrees, one in English literature and one in linguistics. She also held a Ph.D and another masters degree in Bank Administration.

She was a teacher for nine years before she joined the Civil Service and worked in the Customs department. In 1986 she was appointed the second secretary, CBR in Islamabad.


Parveen Shakir initially wrote under the pen-name of 'Beena'. She considered Ahmed Nadeem Qasmi her 'ustad' and used to called him 'Ammujaan'. She was married to Dr. Nasir Ahmed but got divorced from him sometime before her untimely demise in 1994. They had one son - Murad Ali.


A number of books of her poetry have been published. In chronological order, they are Khushboo (1976), Sad-barg (1980), Khud-kalaami (1990), Inkaar (1990) and Maah-e-Tamaam (1994). Her first book, Khushboo, won the Adamjee award. Later she was awarded the Pride of Performance award, which is the highest award given by the Pakistan government.




On 26th December, 1994, on her way to work, her car collided with a truck and the world of modern Urdu poetry lost one of its brightest stars.







PLS CONTINUE THIS THREAD WITH THE CREATIONS OF PERVEEN SHAKIR.........

[naresh_mehra110]

rukne kaa samay guzar gayaa hai
jaanaa teraa ab Thahar gayaa hai

ruKhsat kii ghaDii khaDii hai sar par
dil ko_ii do-niim kar gayaa hai

maatam kii fazaa hai shahar-e-dil men
mujh men ko_ii shaKhs mar gayaa hai

bujhne ko hai phir se chashm-e-nargis
phir Khvaab-e-sabaa bikhar gayaa hai

bas ik nigaah kii thii us ne
saaraa chehraa nikhar gayaa hai


Parveen Shakir

[MahamAzmi]

Dilke bauhat qareeb eik nazm.......



~*Shart*~

tera kehna hai...
"mujh ko Khaliq-e-kon-o-makaan ne
kitni dheron naimatein dee hain
meri aankhon mein gehri shaam ka daaman kushaan jadoo
meri baaton mein ujle mausamon ki gul fishaan khushboo
mere lehje ki garmi mauja-e-gul ne tarashi hai
mere alfaz per qaus-e-qazah ki rang paashi hai
mere honton mein daisy ke gulabi phool ki rangat
mere rukhsaar per gulnaar shaamon ki jawan hiddat
mere haathon mein pankharion ki shabnam lams narmi hai
mere baalon mein barsaaton ki raatein apna rasta bhool jaati hain
mein jab dheeme surron mein geet gaati hoon
tu sahil ki hawaein
adh khule honton mein, piyase geet leker
saaya-e-gul mein samat kar baith jati hain
mera fun soch ko tasveer deta hai
mein hurfon ko naya chehra
tu chehron ko huroof nau ka rishta nazar karti hoon
zaban takhleeq karti hoon "
tera kehna mujhe tasleem hai
mein maanti hoon
us ne meri zaat ko behad nawaza hai
Khuda-e-barg-o-gul ke saamne
mein bhi dua mein hoon, sarapa-e-shukar hoon
us ne mujhe itna bohot kuch dedia...

lekin

tujhe de de tu mein jaanoon!
___________________________________

Dilke bauhat hee qareeb parveen shakir ka ye kalam....apki sama'atoun ke liye haazir kar rahee hei maham....

http://www.esnips.com/doc/936e5613-0cd6-4956-8ff0-fa659647fb05/Perveen-Shakir--Chalnay-Ka-Hausla-Nahin

__________________________________________________ ______________


shab ke kisi pehar ka eik 'sach'
parveen shaakir ki zubaan mein.........


EITRAAF

Jaane kab tak teri tasveer nigaahon mein rahee
Ho gayee raat tere aks ko takte takte
mein ne phir tasavur ke kisi lamhe mein
teri tasveer pe lab rakh diye aahista se

__________________________________________________ _______________

[MahamAzmi]

chehra mera tha nigaahain theen uski
khamoshi mein bhi vo baatain uski

mere chehre pe ghazal likhtee gayeen
sher kehtee hoee aankhain uski

shokh lamhon ka pata dene lageen
taiz hotee hoee saansain uski

neend is soch se tooti akcar
kiss tarha kat'tee hein raatain uski

aise mausam bhi guzaare humne
subhain jab apni theen shaamain uski

dur reh kar bhi sada rehtee hein
mujhko thaame hoay baanhain uski

[Hassan]

Ay moj-e-Hawa tu hi bata !!
Wo dost Hamara kesa hai?

Jo bhool chuka hai hamain kab sey !
Wo jo jaan se pyara kesa hai?

Kya us ke jeevan lamhon mein…
Koi Lamha mera baaqi Hai?

Kya us ki jaagti ankhooN mein,,,
meri Yaad abhi bhi baqi hai?

Agr aisa nahi to!!!
Tu hi Batta,,,
Hum yad ussey kyun kartey hain?

Wo Hum se bichar k khush hai agar!
Tu pal pal kyun hum marttay hain?

Ay “moj-e-hawa” tu hi bata,,!!

-Parveen Shakir

[LAMHA]

vo to Khushbuu hai havaao.n me.n bikhar jaayegaa


vo to Khushbuu hai havaao.n me.n bikhar jaayegaa
masalaa phuul ka hai phuul kidhar jaayegaa

ham to samajhe the ke ek zaKhm hai bhar jaayegaa
kyaa Khabar thii ke rag-e-jaa.N me.n utar jaayegaa

vo havaao.n kii tarah Khaanaa_bajaa.N phirataa hai
ek jho.nkaa hai jo aayegaa guzar jaayegaa

vo jab aayegaa to phir us kii rafaaqat ke liye
mausam-e-gul mere aa.Ngan me.n Thahar jaayegaa

aaKhirash vo bhii kahii.n ret pe baiThii hogii
teraa ye pyaar bhii dariyaa hai utar jaayegaa

---------------------------------------------------

[zainy]

THANK YOU ALL FOR SHARING THESE BEAUTIFUL GHAZALS.............

ku-ba-ku phail gai baat shanasai ki
us ne khushbu ki tarah meri pazirai ki

kaise kah dun k mujhe chor diya hai us ne
baat to sach hai magar baat hai ruswai ki

wo kahiN bhi gaya lauta tou mere pas aya
bas yahi baat hai achi mere harjai ki

tera pahlu tere dil ki tarah abad rahe
tujh pe guzre na qayamat shab-e-tanhai ki

us ne jalti hui peshani pe jo hath rakha
ruh tak a gai tasir masihai ki


---PARVEEN SHAKIR

[sunita thakur]

isii me.n Khush huu.N meraa dukh ko_ii to sahataa hai


isii me.n Khush huu.N meraa dukh ko_ii to sahataa hai
chalii chaluu.N ki jahaa.N tak ye saath rahataa hai

zamiin-e-dil yuu.N hii shaadaab to nahii.n ai dost
qariib me.n ko_ii dariyaa zaruur bahataa hai

na jaane kaun saa fiqraa kahaa.N raqm ho jaaye
dilo.n kaa haal bhii ab kaun kis se kahataa hai

mere badan ko namii khaa ga_ii ashko.n kii
bharii bahaar me.n jaise makaan Dahataa hai

-Parveen Shakir