adhoora khwaab ....!!

[anish_ekshayar]

Ek jhoota sapna..ek suchhi mohobbat..!!

Basant ka aagman hee dil ko sukhad or ek ajnabi se ahsaas se bhar deta hai. Subah ka waqt bahar kee sondhi khushboo ek alag hee aanad se bhar dete hain.. man karta hai waqt bas yanhi ruk jaye or takta rahun main in mausmon kee dilkashi ko..aaj Sunday thaa subah se mausam khusgawar bana hua tha socha chalo aaj gardening kar le.. or chal pada pichhe bag main halanki in cheejon ka jyaada tajurba nahi mujhe or na hee ye mera shouk hai par phir bhi kabhi kabhi ye bhi kar liya karta hun main jab dil karta hai.. baag mai pahuncha to har taraf rang bi range phool or unpar oas kee bunde aisi lag rahi thee jaise phoolon ne motiyon ka shringaar kar liya ho paas mai khade ashoka ke ped se jaise hee hawa takrati uski pattiyan taaliyan see bajati or dhoop un patton ke jharokon se jaise hee un oas kee nanhi bundon par padti wo Heere kee manind chamak uthte…. Anayas hee samne lage gulab ke us adhkhile phool pe najar gai … akele mai wo apni khubsurti par ithala saa raha tha … uspar padi swaati kee bunde use or bhi khubsurat bana rahi thee or wo chulbula saa nanha sa phool hawa ke jhonkon ke saath athkhelyan karne main puri tarah mashroof tha use fark nahi padta tha ke koi use nihaar raha hai .. mere chahre pe use dekh ek muskurahat see khel gai … thoda aage badha or us maasoom se phool ke pass jakar beth gaya or haathon se un chand swaati kee bundon ko chhune kee koshish karne laga or wo nanhin bunden mere is bahari sparsh ko sahan na kar pain or chalk kar gir gai … or fana ho gai Or dila gai yaad us ek shaks ke daastan jise main kabhi bhoole se bhi nahi bhool paunga…!!!
Swaati naam tha uska ….college main sabhi use behad pasand karte the … chulbuli see ..masoom see .. behad khubsoorat thee wo .. jab kabhi koi galti ho jaya karti . badi masoomiyat se ajeeb se expressions ke saath jab wo maafi mangti to koi chahe kitne hee gusse main kyun na ho muskhura deta or use maaf kar deta .. 5”6’ lambai ..kaale ghane baalon ko do choti mai gunth kar rubberband lagati ..badi badi kaali aankhe or un aankho main har waqt masti, koi na koi nai planning ….ke kisi ko kaise tang kiya jaye .surkh gulabi hothon pe ek chulbuli ..masoom see muskuraht..wo aksar college ke andar beech main bane garden mai bethi dikhai deti or saath hoti uski puri mandali jisme wokisi leader se kam hargij na thee.. har waqt chahe kuchh bhi kyun na ho uski masti uska majak kabhi khatam na goti .. delhi se aane ke baad wo college maim era pahla din tha anjaan mahol mai main khud ko comfortable mahsoos nahi karta tha isliye shayad andar aate samay mujhe kuchh ajeeb see ghabrahat ho rahi thee .. mere saath meri chacheri bahn renu or uski ek friend thee .. or mera ek purana dost jo is shahar mai mera eklota dost tha mera ….
-abhi yaar mujhe kuchh ajeeb saa lag raha hai (aakhir maine apni dil kee baat abhinav se kah hee dee)
-are yaar ….tu bhi na ..pahla din hai fir shahr bhi to nahya hai na ….adjust hone mai waqt to lagega hee … kuchh ajeeb nahi hai main hun na tere saath … renu yaar tumhi samjhao is gadhe ko …(abhi shayad such kah raha tha par main bhi kanha galt tha.)
-ok..(renu achanak chahki) main tumhe apni kuchh doston se milwa deti hun or abhi tumhe apne doston se milwa dega …..tab to kuchh jankaar ban jayenge na is shahr mai aapke …(wo mera haath pakad kar mujhe khichti hui see ek or le jaane lagi )
-ar..r..r.. re ruko …kanha le jaa rahi ho .. pahle bata to do ..(mujhe khud ko sambhalne ka bhi time nahi mila or saamne wo khubsurat magar behad natkhat ladki jise pura college swaati sharma ke naam se jaanta tha khadi thee … uski aankho mai ek ajeeb se chamak thee or wo mujhe upar se neeche tak dekh rahi thee …saath saath uske munh ke expression bhi badlte jaa rahe the)
-so .. aap naye hain shayad is college main …..pahle dekha nahi yanha aapko ..(wo bade ajeeb dhang se boli )
-haan ….tumne theek pahchana …. Ye mere bahiya hain Anish ek hafte pahle hee delhi se aayen hain … abhi naya admission liya hai yanha … main tum sabse milwane le aai … or khabardaar shaati jo mere bahiya ko tang kiya to theek hai…(renu ne ye kah kar mera introduction khud hee de diya fir sabse jan pahchaan ho gai to mai abhi ke saath class main chala gaya )
-yaar .anish economics mere to palle hee nahi padti papa kee jid ne mujhe marwa diya mujhe nahi lagta ke is baar apna kuchh hone wala hai …jeb kharch mai se abhi se paise jama karne laga hun na jaane kab kaam aa jayen ….kyunki fail ho gaya to ghar jakar main apni shamat ko khud dawat nahi dena chahta ….
Us roj main abhinav ke kuchh doston se mila or yun hee pahla din introduction mai gujar gaya …fir kuchh dino main maine college mai apne kuchh naye dost bhi bana liye ab wanha ka atmosphere mere liye ajnabi na raha … mai wanha achha mahsoos karne laga tha ….us din college main function tha ..function main fancy dress competition tha sabhi ne badh chadh ke isme hissa liya maine bhi hissa liya maine dulhe kee dress pahni or renu ne cat getup kiya abhi ko isme dilchaspi nahi thee so wo normal hee raha jab main wanha pahuncha to dekha wakai main wanha koi pahchaan main nahi aa raha tha …. Tabhi maine door table ke pass ek ladki ko dekha jo dulhan kee dress pahne badi itra rahi thee janana chaha aakhir koun hai wo jiski soch mujhse milti hai …pass gaya to hairaan rah gaya ye swaati hee thee …usne mujhe dekha or thodi der tak dekhti rah gai fir achanak wo jor jor se hasne lagi … mujhe kuchh ajeeb laga fir main apne aap ko dekhne laga kahin kuchh ….par sab kuchh sahi hee tha …
-aisi kya baat ho gai kya mere sing nikal aaye (maine jhunjhlahat mai kaha )
Par wo hasti rahi uski hasi mai kuchh aisa tha jo gussa aane par bhi mujhe uspar pyaar aa raha tha
-Hua kya kuchh bataogi ya yun hee close up ka add karti rahogi !!! (maine fir kaha )
Tabhi renu mera haath pakad kar khichte hue dressing room main le gai mujhe ab tak kuchh bhi samjh nahi aa raha tha
-koi mujhe batayega ….ke hua kya hai (ab mujhe bahut jor se gussa aa raha tha )
-apni dhoti ko dekho……(or ye kahne ke saath renu bhi hasne lagi
_kyun kya hua meri dhoti ko _>………..theek to hai (fir maine us sheeshe mai peeche se dekha to sharm se paani paani ho gaya hua yun ke maine dhoti press kari or pahanlee jabki press karte samay press se dhoti ka ekbada hissa jal gaya tha jo mai najarandaj kar gaya badi mushkil se wanha se main chupchapnikal gaya par us din ke baad swaati ko jab kabhi main dikh jata wo mujhe “dulhe jee aaiye” … oh o dulhe sahib aaye hain nai dhoti pahan rakhi ahi are ek dam naya fashion hai kya baat hai “ kah kar sambodhit karti halanki mujhe gussa aata par kya karta mera jeena mushkil kar diya usne
Ek din college gaya to pata chala camps ke liye college bus manoharpura jaa rahi hai jo jana chahta hai wo apna naam likhwa rahe hain or paise jama karwa rahe hain per student 1500 Rs jama hone the to maine 3000 Rs. Mere or renu ke jama karwa diye…
-aap bhi chal rahen hain ..dulhe raja ..!
Mud kar dekha to samne swaati khadi muskura rahi thee
-haan socha tum akeli pad jaogi …dost ho to saath to nibhana padega na (maine jawaab diya )
Do din baad subh 5:00 baje hamne nishchit sthaan se bus lee swaati meri bagal waali seat par thee maine apna beg rakha fir ham chal diye rasta lamba tha or sabhi subh jaldi uth kar aaye the isliye adhe se jyaada 15-20 minute baad apni apni seat par ungh rahe the …bagal main swaati bhi koi apwaad nahi thee wo mere hee kandho par sir rakhkar aaraam se so rahi thee maine use dekha to dekhta rah gaya khidki se aati hawa uski julfon ko baar baar uske chahre par bikher rahi thee ., uski wo shararti muskurahat ab bahut massom seelag rahi thee chahre pe padti dhoop use pareshan kar rahi thee so maine khidki pe parda daal diya us din wo mujhe us shararti ladki se kuchh alag lagi behad khubsoorat see kisi pari se kam nahi lag rahi thee wo pure raste usi ko dekhta raha …wo mere haathon ko apne dono haathon se pakad kar befikr soti rahi is baat se anjaan ke uski is befikri se kisi ke dil kaa chain kho raha hai … achanak bas ke rukne se mera dhyaan tuta …
-hum pahunch gaye kya (wo bhi jag gai aankhe masalte hue boli)
-Haan……… shayad (mujhe bhi pakka pata nahi tha )
Fir ham sbhi bas se utre waki wo behad khoobsurat jagah thee .. sabne bus se apna saaman utara or fir tayaari main jut gye us camp ke dauraan ham sabhi ne bahut maje kiye par us camp ne mei jindgi main swati ke liye ek alag mukaam khada kar diya ab wo mere liye kuchh or ho gai thee … woe k shaks jise dekhe bagair mai rah nahi pata tha .. college lotne ke baad main jab raat ko ghar aakar soya to mujhe neend nahi aai uska wo masoom sa chahra meri aankho kea age ghumta raha … subh nashta karte waqt bhi main kuchh khaa nahi paya usi ko sochta raha ….
-achha renu ….ye jo tumhari saheli hai na ..kya naam tha uska …….haan swaati ..ye kaisi ladki hai ..(maine aise puchha ke renu ko shak na ho )
-achhi ladki hai kyun ??? aap kyun puchh rahen hain (renu ne meri taraf dekhte hue puchha )
-nahi waise hee … uska kisi ladke ke saath koi affair wagerah chal raha hai kya ?
-janha tak main use jaanti hun wo aisi ladki nahi hai …haan ladkon se baaten karti hai par aisa kuchh ….mujhe nahi lagta ..par aapko kya karana kahin aapko pasanad to nahi …agar asii baat hai to mujhe bataiye main baat karwa dun (renu shararti lahje mai boli )
-dimaag kharab ho gaya hai tera >>>>>(maine jhunjlahata mai aise kaha ke meri chori pakdi gai ho )
Fir mai moke talashta uske kareeb jaane ke … kabhi class bung karke usase milta to kabhi mandir main janha wo roj jayakarti thee usase milta .. uski pasnd napasand ke bare main renu se puchhta rahta renu ne mujhe bataya use laal gulaab ke surkh phool bahut pasand hain ..
Somwaar ka din tha main uske aane se pahle hee mandir pahunch gaya wo peele rang ka salwaar kameej pahne aai jispar laal rang ka duptaa uski khubsoorti ko or khila raha tha ..puja karne ke baad jaise hee wo sidhiyon ke pass apni sandal pahane ke liyeruki main pass pahunch gaya or gulaab ka wo phool uske aage kar diya
-ye aapke liye hai (mai kuchh ghabraye hue se andaaj main bola )
-sundar hain .. par wajah jaan sakti hun (usne ek alag hee andaaj mai dekhte hue kaha )
-wajah …wajah kuchh nahi aise hee mujhe laga tumhe pasand aayega
-par main ise kyun lun .. (uski aankho mai ek prashn thaa or hothon par muskuraht )
-kyunki ….kyunki ……k..kk..kyunki..main(kuchh bolne kee himmat nahi ho pa rahi thee meri )
-main kya (wo lagataar meri or ghoor rahi thee or hothon par ek shokh see hasi jaise pahle hee se jaanti ho sabkuchh bas ladkiyon kee yahi baat mujhe buri lagti thee ke sab kuchh jante bujhte bhi anjaan bane rahna or ladke ko majboor karma ke use kahna hee pade ..kya wo jaanti nahi thee ke ye phool main use kyun de raha hun )

-kyunki main tumse pyaar karne laga hun (ye kahte hee main bina koi jawaab liye bhaag nikla )
Us din ke baad kain dino tak main college nahi gaya halanki mujhe usase mile bina chain bhi nahi aa raha tha par ek anjaan saa dar bhi ghere hue thaa mujhe usne kya socha hoga ? wo kya kahegi jab mujhe dekhegi ? aise na jaane kitne hee swaal the jinka koi jawaab nahi tha har roj renu sepuchhta swaati college aai thee kya usne kya kaha par aisa kuchh uttar nahi milta thaa jo mere un prashnon ke jawaab de paaye
Fir ek din abhi ke kahne par main himmat karke college gaya …halanki najar tak uthaane kee himmat nahi thee meri college aate aate mera dil dhak dhak kar raha tha fir maine socha pyaar hee to kiya hai koi itna bada gunaah to kiya nahi ke main is apraadh bhaaw se gujar raha hun kya hoga had se had wo mana hee karegi na par agar usne mana kar diya to kya hoga kya jee paunga main uske bina

Aise hee apne man se baaten karte hue college aa gaya or saamne swaati garden mai ek kone mai akeli bethi shunya ko nihaar rahi thee main uske saamne tha par wo kisi gahri soch mai dubi thee uske haath pass ugi hui dub ko ukhadte phir unki patiyon ko todne mai mashroof the par uske chahre par wo muskuraht ab bhi khel rahi thee wo duniya jahan se ala ghee kuchhsoch rahi thee shayad
-swaati ….awaati (maine use jhanjhoda to wo jaise kisi khwaab se jaagi ho )
-haan (chonkte hue boli fir mujhe dekh kar khud ko sahaj karte hue boli ) are aap main kuchh soch rahi thee dhyaan nahi gaya shayad kaise hain ? kain dino se college nahi aaye ?kya kuchh problem ho gai thee ? (ek saah kain saare prashn puchh dale usne)
-swaati .. main janana chahta hun ke tumne kya socha hai … tumhe main swikaar hun ya nahi ye jawaab mujhe aaj abhi or isi waqt chahiye …

{fir kya hua .. kya jawaab tha swaati ka .. “na” tha to iska karan kyat tha .. “haan” tha to kaise aage badhi ye prem kahani ye sab janiye kahani ke agle bhaag main ……….

TO BE CONTINUED……..!
******AAPKI RAY
****KYA HONA CHAHIYE AAPKE ANUSAAR
SEND YOUR SUGGESTIONS AT strang_boy2k3@yahoo.co.in And

[pallavi_here]

wahhhh anish ji.... ek baat manni padegi ki ur way of writing is gazzab... aap sach me kahaani ko bahut hi khoobsoorati se pesh karte hain... behad khoobsoorat aur dilchasp thi iski shuruaat... likhte rahiye aapke saath hain waiting for next post
apna khayal rakhiyega

[anish_ekshayar]

dear pallavi jee
ek baar fir hosla afjai ke liye shukriya main jald hee apni is adhoori kahaani ko pura karunga abhi mai usi vishay main soch raha tha khair shukriya ke aapne ise padha or tareef kee

[n_ravinder]

DEAR
ANISH JI

APNE TO PURI KAHNI HI LIKH DALI WO B PAYAR OR DARD K SATH PADNE K BAD M SOCTHA HE RH GAYA PAR ANSWER NHI NIKAL SAKA

SORRYYYYYYYYYYYYYYYYYYYY MR ANISH JI PAYAR M AESA HI HOTA H

I HOPE THAT BEST OF LUCK WITH YOU .........................

RAVI.