Apne Chand Sher-o-shayri -
11th September 2006, 06:18 PM
1. Baharhaal jindagi meri naashad ho gayi,
ishq ki rahon mein gujarkar dekh liya.
doob gaya shau-e-dil kisi ki chahat mein,
gam-e-dariya mein "Majboor" utarkar dekh liya..
2. Mohabbat ke sadme jindagi mein utar gaye,
hum rah-e-ishq mein had se gujar gaye.
ab ahl-e-dil pe kisi ka ikhtiyar nahin ,
wo aur honge aashiq jo marne se dar gaye.
fasana mera banega to naam tera aayega,
kya hua gar tere ishq me hum mar bhi gaye.
tagaful karte hi gaye wo dil se mere,
jo jindagi mein mujhe "majboor"kar gaye.
mera bhi to dil hai patthar nahin hoon main,
phir bhi kyun tere pyar ke kaabil nahin hoon main.
khak-e-jindagi ab poonchhti hai humin se,
kyun kisi hansin ka humsafar nahin hoon main.
gardish-e-gam se sar-e-rah jo chhor de ishq,
wo to gareeb-e-musafir nahin hoon main.
saza-e-ishq mujhe manzoor hai gila nahin,
Majboor hoon magar kaafir nahin hoon main...
R.L.Awasthi(Majboor lakhnawi)
|