Quote:
Originally Posted by prem_anjana
kuch sabdo ke saath mai aap sabhi k beech upasthiti banane ki chesta kar raha hoon.....apne vichar jaroor batiyega........aapka prem anjana
mai pinjar ka tota
udta tha mai neel gagan mein
apne pankh pasare
madhur geet mai gata tha
apne pritam ke dware
jane kaun ghadi mein kisne
kaisa jaal bichaya
pal bhar mein na der lagi
khudko pinjar mein paya
ab...........mai pinjar ka tota
log dekhkar mujhko kehte
kitna pyara gata hai
sone ke pinjar mein dekho
sare sukh pata hai
pathik magar tum apne antar ke
antarpat ko kholo
mere in madhu geeton ko
tum virah baat se tolo
kyunki .......mai pinjar ka tota.
sone ke yeh dar darwaje
mere kahatir dhela hai
shan-o-shaukat, rishte nate
mere khatir mela hai
"anjana" kab kaun musafir
mujhko le jayega
na jane kab pinjar tota
neel gagan payega
ab to hoon.........mai pinjar ka tota
|
bahut bahut khoob prem bhai...
bahut achhi hai aapki ye kavita, mujhe behad pasand aayee...
aisi hi aur kavitaoN ke saath jaldi jaldi sdc pe aate raha kareN...
aapka,
vikram