Aankhein Wahee Manzar Wahee Aur Pas-e-Manzar Bhi Wahee
Maut Wahee Qateel Wahee Aur Khanjar Bhi Wahee
Iss Tilismi Duniya Mein Meri Hasti Hain Hee Kyaa
Jahan But Wahee Musalman Wahee Aur Kaafir Bhi Wahee
Harr Chand Nazar Ke Samne Hain Par Nahee Aata Nazar
Hain Jise Saab Kee Khabar Aur Be-Khabar Bhi Wahee
Naadan Aur Danaaon Mein Farq Hain To Kab Talak
Neend Aayi To Khwab Aur Fareb-e-Nazar Bhi Wahee
Taa-Umr Main Dhunda Kiya Der-o-Haram Mein Duur Duur
Thak Gaya Bahar Se Jab Aur Jhanka To Andar Bhi Wahee
Bhatakna Chaha Thha Maine To Thhe Haazaaron Raaste
Dil Kee Manzil Dil Hee Thhi Aur Rehabar Bhi Wahee
*Writer: Krishn Vidant Jee
**