bazeecha-e-atfaal - Ghalib

[aadeil]

Bazeecha-e-atfal hai duniya mere aage.
Hota hai shab-o-roz tamasha mere aage.
(bazeecha = toy, atfal = children [from tifl meaning child])

Ek khel hai aurang-e-sulemaan mere nazdeek
Ek baat hai ijaz-e-masiah mere aage.
(ijaz-e-masiah = miracle of the prophet)

Hota hai niha'n gard mein, sehra mere hote
Ghista hai jabi khak pe dariya mere aage

Mat pooch ki kya haal hai mera tere peechhe
Tu dekh ke kya rang tera mere aage
(rang = impression)

Imaan mujhe roke hai jo khee'nche hai mujhe kufr
kaaba mere peeche hai kalisa mere aage
(kufr = disbelief)

Go haath ko jumbish nahi'n, aa'nkho'n mein toh dum hai
Rehne do abhi sagar-o-meena mere aage

[sameer'shaad']

Waaahhhhhhh................ nageena khoj kar laaye haiN aap Aadeil saahab.... Wallaah kyaa kehne...... Ghalib ki is ghazal ko jitni baar padho dil me chaap chhortii nazar aati hai.... bahot bahot shukriyaa ise hamaare saamne laane ke liye.....




Shaad....

[aadeil]

hame'n khushee hai ki hamaaree kaushish aap ko pasand aatee hai. Shukriya Shaad saab