hum ulfat meiN haiN kya ko kya kehne waale

[zarraa]

hum ulfat meiN haiN kya ko kya kehne waale
teri har khataa ko adaa kehne waale


taraanaa-e-meher-o-wafaa ga rahe hum
wo roodaad-e-jaur-o-jafaa kehne waale

(meher-o-wafaa = favours & faithfulness, roodaad = story, jaur-o-jafaa = oppression & tyranny)


takalluf se milne se achchhaa milo mat
kabhi the mujhe aashnaa kehne waale

(takalluf = formality, aashnaa = beloved)


kahe ja rahaa tu sune ja rahaa maiN
jo dil meiN hai ab to bataa kehne waale


muzaamat naheeN wo naseehat thi tujh ko
mere mashware ko anaa kehne waale

(muzaamat = opposition, naseehat = advice, anaa = ego)


uthe ab n kaanoN se baar-e-sataaish
zubaaN ko bhi mat aazmaa kehne waale

(baar-e-sataaish = burden of praise)


n majboor hote agar sun’ne waale
to waah waah yooN karte bataa kehne waale


chale jaayeNge ye tawajjo n dena
chale aate haiN baar’haa kehne waale

(tawajjo = attention, baar’haa = repeatedly)


barha sun’ne waaloN ko tha lutf aayaa
magar reh gaye bemazaa kehne waale


abhi saNg phooloN meiN badle naheeN haiN
zaraa jaam doojaa uthaa kehne waale

(saNg = stones)


n tehseeN se khush tu n tohmat pe naashaad
kaheiN “zarraa” tujh ko bhi kya kehne waale

(tehseeN = praise, tohmat = slander, naashaad = displeased)



- ZARRAA

[Hassan]

takalluf se milne se achchhaa milo mat
kabhi the mujhe aashnaa kehne waale

Zarraa saheb... wahhh! waaah! waaah..

Behtareen akkaasi aur khoobsorat alfaazoN se saji yeH ghazal,
dil ki gehraayi meiN dekhne aur sochne ka moQa deti hai...

Ghazal meiN dard-o-karab aur lazzat-e-ishQ dono ayaa.N haiN..
Iss kamal-o-bemisaal ghazal ke liye saheb...
dherooN daad-o-mubarakbaad with reps!

Shuker hai aap ne guftagu thread meiN yeH link de diya,
warna hamari nighaoN se yeH ajooba chhhoot jata.....

Allah aap ko khush rakhe..

Aise hi mehfil roshan karte rahiye,

DuaooN ke saath,

[Baghbaan]

Zarraa ji,
Bhut acchha lga aapki gazal ko pdkar. Congrats for very good work.

Regards,
Baghbaan (Jaspal)

[zainy]

takalluf se milne se achchhaa milo mat
kabhi the mujhe aashnaa kehne waale

(takalluf = formality, aashnaa = beloved)


kahe ja rahaa tu sune ja rahaa maiN
jo dil meiN hai ab to bataa kehne waale


muzaamat naheeN wo naseehat thi tujh ko
mere mashware ko anaa kehne waale


Masha Allah bohat khoob zarraa sahab

Sabhi ashaar laajawaab hain per yeh teen zyada pasand aaye mujhe. .

Yuhi likhte rahiye

Achcha kiya aapne interview per link post kiya warna hame milti nahi...aur isay padhne se mahroom reh jaate hamare members. ..

[Madhu 14]

Beautiful gazal zarra ji........thanks for sharing d link.

[ananthpak]

Waaaaaaahhhhhhh!!!! Zarraa sahab kya baat hai...bohat khoobsurat ghazal hai...dheron daad humari jaanib se

[sameer'shaad']

Originally Posted by zarraa

hum ulfat meiN haiN kya ko kya kehne waale
teri har khataa ko adaa kehne waale


taraanaa-e-meher-o-wafaa ga rahe hum
wo roodaad-e-jaur-o-jafaa kehne waale

(meher-o-wafaa = favours & faithfulness, roodaad = story, jaur-o-jafaa = oppression & tyranny)


takalluf se milne se achchhaa milo mat
kabhi the mujhe aashnaa kehne waale

(takalluf = formality, aashnaa = beloved)


kahe ja rahaa tu sune ja rahaa maiN
jo dil meiN hai ab to bataa kehne waale


muzaamat naheeN wo naseehat thi tujh ko
mere mashware ko anaa kehne waale

(muzaamat = opposition, naseehat = advice, anaa = ego)


uthe ab n kaanoN se baar-e-sataaish
zubaaN ko bhi mat aazmaa kehne waale

(baar-e-sataaish = burden of praise)


n majboor hote agar sun’ne waale
to waah waah yooN karte bataa kehne waale


chale jaayeNge ye tawajjo n dena
chale aate haiN baar’haa kehne waale

(tawajjo = attention, baar’haa = repeatedly)


barha sun’ne waaloN ko tha lutf aayaa
magar reh gaye bemazaa kehne waale


abhi saNg phooloN meiN badle naheeN haiN
zaraa jaam doojaa uthaa kehne waale

(saNg = stones)


n tehseeN se khush tu n tohmat pe naashaad
kaheiN “zarraa” tujh ko bhi kya kehne waale

(tehseeN = praise, tohmat = slander, naashaad = displeased)



- ZARRAA

khoob se khoobtar ghazal huii hai Zarraa mere bhai...... khaaksaar ki jaanib se daad ka chota sa nazraana qubool farmaaen.... Allaah majeed nawaaze..
ho zore qalam aur se aur.......

mukhlis

[mujib66]

Bohut hi lajawaab Ghazal Zarraa ji.

Har ek sher pe dil se daad qubool kijiye.

Khaas kar eh sher bohut hi touching laga.

abhi saNg phooloN meiN badle naheeN haiN
zaraa jaam doojaa uthaa kehne waale

Agle kalam ka intezaar.

Mujeeb Parwaaz.

[iftakhar_ahmad]

waaaaaaaaaaaah Zarra saheb, bahut achhi ghazal kahi hai, bahut maza aaya padh ke.