dil mein ab dard-e-mohabbat ke siva kuch bhi nahin - by Sahir Bhopali -
5th December 2002, 12:29 AM
dil mein ab dard-e-mohabbat ke siva kuch bhi nahin
zindagi meri ibadat ke siva kuch bhi nahin
mein teri baargah-e-naaz mein kya pesh karoon
meri jholi mein mohabbat ke siva kuch bhi nahin
aye khuda mujh se na le mere gunahon ka hisab
mere paas ashq-e-nadamat ke siva kuch bhi nahin
woh to mit kar mujhe mil hi gayee rahat warna
zindagi ranj-o-musibat ke siva kuch bhi nahin
|