jaise be-taab dil ko qaraar aa gayaa..! -
4th March 2015, 07:46 AM
Waa..h!
kyaa hi Khuubsuurat naGhme ki yaad dilaa dee aapne!
Baho..t Khuub! bahot hi... Khuub!!!
leejiye, Roman meN yeh puurii Ghazal, jise Jagdeesh-Chitra ne apni
Khuubsuurat aavaaz se amar kar diyaa hai.
----------------------------------------------------
b’aad muddat unheN dekh kar yuuN lagaa
jaise be-taab dil ko qaraar aa gayaa
aarzuu’oN ke gul muskuraane lagay
jaise gulshan meN jaan-e-bahaar aa gayaa
tishnaa nazreN miliiN, ShoKh nazroN se jab
mai barasne lagii, jaam bharne lagay
saaqiyaa! aaj teri zaruurat nahiiN
bin piye, bin pilaaye, Khumaar aa gayaa
raat sone lagii, subH hone lagii
shamm’aa bujhne lagii, dil machalne lagay
waqt ki roshani meN nahaa’ii hu’ii
zindagi pe ‘ajab saa niKhaar aa gayaa
har taraf mastiyaaN, har taraf dilkashii
muskuraate diloN meN Khushii hi Khushii
kitnaa chaahaa, magar, phir bhi uTh naa sakaa
teri meHfil meN jo eik baar aa gayaa.
==========================================
|