!~.. Uski baaten........!!

[janumanu]

jane kaha kaha se seekh ke ati thi baten
na kahi kisi ne na suni kisi se

kahti thi jaha bahut ganne hote hai
hum baha rahenge
gurr bikta hoga waha
mai gurr bechungi
mai kahta tha
Guudu, ganne to sal mai ek bar hote hai

kahti thi ye jo honth hai na tumhare
maine chakhe hai ..bahut meethy hai
tum koe b pathar pe ik bosa rakhe k de dena mujhe
mai bech aungi

kahti thi ye tum bolte ho ya dil tumhara
aawaz sunai nahi deti
mehsoos hoti hai.........

kahti thi
humari to zat bhi nahi milti na mulkh na majhab
mai uski palko ko chum kar kahta tha,Guddu

pariyao ki koe zat koe mulkh-o-majhab nahi hota.
zat to devtao ki bhi nahi hoti

bas yahi kah kar
woh mere liye pari ban jati
mai uske liye devta
hum roj sham ko isi woqt ko
ek doosre se lipat jate they

kahti thi hinayee hath dikha ke
ye jo mehndi lagayee hai na
utni hi ghahri hoti jaygei
jitna ki pyar tumhara
mai mehndi mai apni
bafaa ka imtihan dekh raha tha
uske hatho main apni jan dekh raha tha

uske hatho main apni jan dekh raha tha

[KunaaL]

Aapse nahi kehna mujhe kuch ..

maine kaha tha na .. mujhse ab aapke khyaaloN ki tareef nahi hoti .. ab nahi likhunga mai.. ki accha likha hai ...



Kunaal

[amit7600]

vikas bhai......

ekdum shor nahi laga ise padh ke......ajeeb khamoshi hai....