Laakh ham apnee kaheyn, par wo suneyngey man kee -
12th August 2010, 09:17 PM
Tum jo khwaaboun mein kah gaye they roz aaney ko!
Mout aatee hai baarhaa mujhey sulaaney ko!!
Yun to, gunchah bhi bikharney key liye khiltaa hai;
Log kahtey hain khataawaar par zamaaney ko!
Unkee baahoun mein kab gaye, rahey, patah na chalaa!
Ham samajhtey hain khwaab-e-khuld aashiyaaney ko!!
Raah hai: roz guzartey hain guzarney waaley:
Kuchh haram key liye, to, kuchh sharaabkhaaney ko!
Wo hain ustaad, khazaaneyn hain un pai baatoun key:
Dohraatey naheen kabee usee bahaaney ko!
Shokh aankhoun mein tabassum hai nihaan kuchh aisey:
Shafaq ho jaisey nihaan shab mein muskuraaney ko!
Laakh ham apnee kaheyn, par wo suneyngey man kee;
Unkey man mein hain daastaan kayee sunaaney ko!
Ham ney unko, 'abd', hazaar baar deykhaa hai:
Fir bhi baaqee hain kayee bahr-o-jaw lubhaaney ko!
- abd bundeli
|