Meri zindagi ko tu aabaad kar dey -
28th March 2017, 10:28 AM
Meri zindagi ko tu aabaad kar dey
Zakaat-e-mohabbat se imdaad kar dey
Hai taaseer terey duaao mai humdum
Tu merey liye rab se faryaad kar dey
Udaasi hi chaayi hai gosha-e-dil mai
Tu nazr-e-karam se mujhe shaad kar dey
MakeeN ban chuka eik gham mere dil mai
Gham-e-dil se aye yaar aazaad kar dey
Tamanna hai ke gul khiley dasht mai bhi
BiyabaaN ke mausam ko abraad kar dey
Larazney lagi meri dil ki imaarat
Zara iss ki mazboot bunyaad kar dey
Mai hu maktab-e-ishq ka adna taalib
Tu iss fun mai mujh ko bhi ustaad kar dey
Zamaana karey yaad roz-e-hashar tak
Tu shireeN ho jaa mujh ko farhaad kar dey
Mera faisla tujh pe hi munhasir hai
Ya aabaad kar dey ya barbaad kar dey
FEW MEANINGS
Zakaat-e-mohabbat= charity of love
Imdaad= help
Taaseer= impact
Shaad= pleased/happy
MakeeN= inhabitant
Dasht= desert/biyabaaN
Abraad= cold
Maktab-e-ishq= school of love
Taalib= student
Roz-e-hashar= day of judgement
Munhasir= dependent
Kya ishaara karey ye hawaaiye
Gaur se sun zara tu sadaaiye
Khushk pattey bhi kehte bohat kuch
Shabnami phool jo keh na paaiye
|