Khataa maine ko’ii bhaarii nahiiN kii...!!!

[naresh_mehra110]

Khataa maine ko’ii bhaarii nahiiN kii
amiir-e-shah’r se yaarii nahiiN kii

kisii mansab kisii ohde kii khaatir
ko’ii tadbiir baazaarii nahiiN kii

bas itnii baat per duniyaa Khafaa hai
ke maine tujh se Ghaddaarii nahiiN kii

mirii baatoN meN kyaa taasiir hotii
kabhii maiN ne adaakaarii nahiiN kii

mire aiboN ko ginvaayaa to sab ne
kisii ne merii Gham-Khwaarii nahiiN kii

(amiir-e-shah’r : powerful people of the city)
(mansab : exalted position; ohde : position of influence; tadbiir : efforts)
(taasiir : effect)

------------------Tabish Mehdi------------------