Mere Purkhey Rehte The Sarhad K Uss Par

[silent-tears]

Mere Purkhey Rehte The Sarhad Uss Par Kahin
Mere Bachey Rehte Hai Sarhad K Iss Par Kahin
Tere Purkhey Rehte The Sarhad K Iss Par Kahin
Tere Bachey Rehte Hai Sarhad K Uss Par Kahin

Tum Jeeto, Ya Hum Jeetey, Jung Me Nasaley Haregi
Barudo Se, Kheto Ki Pakti Fasaley Haregi

Yaad Nahi Kya Sarhad Par, Ciney Hote Hai Challni
Bhul Gaye Kya Fir Nasley, Sadiyo Rehti Hai Roti

Redcliff Ne Khanjar Se Ki Aise Deewar Khadi
Dekho To Fir Sarhad Par Fauje Hai Taiyar Khadi
Tum Jeeto, Ya Hum Jeete, Jung Nasley Haregi

Jung Kahin Bhi Jung Kabhi, Baat Ka Hul Deti Hai Kya
Topo Ki Awaaz Bhi, Behtar Kal Deti Hai Kya

Manjar Charo Or Mile, Apni Khurenji Ka
Hathiyaro Ki Mandi Me, Khel Hai Mandi, Tezi Ka
Tum Jeeto, Ya Hum Jeetey, Jung Me Nasaley Haregi

Nafrat Pali Or Fakey, Yaadon K Sandook Kahin
Tab Jakar Aye Hai In Hathon Me Bandook Kahin

Aane Wali Nasalo Ko, Denge Saugaat Yahan
Ujley Ujley Se Din Ya Kaali Kaali Raat Yahan
Tum Jeeto Ya Hum Jeete, Jung Me Nasley Haregi

Mere Purkhey Rehte The, Sarhad K Uss Par Kahin
Tere Bachey Rehte Hai, Sarhad K Uss Par Kahin
Tere Purkhey Rehte The Sarhad K Iss Par Kahin
Mere Bachey Rehte Hai, Sarhad K Iss Par Kahin

By Dr. Dushyant