Quote:
Originally Posted by Hamdam
hum sab ek deh mein kirayedaar hai,
Deh se jura humse sara sansaar hai.
Is deh se hi aage banta parivar hai ,
Us parivar mein sub ek dooje ke karzdaar hai.
Koi maaN baap banke karz chuka raha ,
Koi aulaad banke zimmedari nibha raha.
Koi sirf apni deh se hi pyaar kar raha ,
Koi pet bharne ke liye deh ka vyapar kar raha .
Bus yun hi her deh ka samay beet.ta ja raha ,
Koi deh mein khil raha tau koyi murjha raha
.
Is deh mein basta hai mann jo jee ka janjaal hai,
Mann ki uthak baithak se vyakul ye sansaar hai
Jis din duniyadaari ka karz utar jaata hai ,
Is deh mein baitha panchi bus ur jaata hai.
Phir us deh se na koi preet lagata hai ,
Kal tau jo apna tha ek pal me paraya ho jata hai.
Aao is deh se uupar uth kar jeena seekhein ,
Is sab se pare Ishwar se preet lagana seekhein
Is sansar mein rehte hue jeevan amrit peena seekhein,
Duniya ke . farz.ko nibhate hue hat ke jeena seekhein
Sanjay Sehgal
|
Sanjay sir ji namste..............
sachhaai se rub-b ruh karaati aapki rachnaa ........
aapki es soch ko salaam...........