shaam ke saa.Nvale chehare ko nikhaaraa jaaye...Qateel Shifai -
22nd February 2010, 06:38 PM
shaam ke saa.Nvale chehare ko nikhaaraa jaaye
kyo.n na saagar se ko_ii chaa.Nd ubhaaraa jaaye
raas aayaa nahii.n taskii.n kaa saahil ko_ii
phir mujhe pyaas ke dariyaa me.n utaaraa jaaye
meharabaa.N terii nazar, terii adaaye.n qaatil
tujhako kis naam se ai dost pukaaraa jaye
mujhako Dar hai tere vaade pe bharosaa karake
muft me.n ye dil-e-Khushafaham na maaraa jaaye
jisake dam se tere din-raat daraKhshaa.N the "Qateel"
kaise ab us ke binaa vaqt guzaaraa jaaye
------------------------Qateel Shifai-----------------------
YuuN Besabab Aansoo Aate NahiN
Lag Zaroor Koii Baat Dil Ko Rahii Hai ...
Fareb Kaa ChaDhtaa Bazaar Dekh
Insaaf Se Bastii Khaalii Ho Rahii Hai ...
---Naresh Mehra----
|