bevafaa tere ruuTh jaane se -
21st March 2008, 04:44 PM
bevafaa tere ruuTh jaane se
aaNkh miltii nahiiN zamaane se
aarizaa ho gayaa hai rone kaa
chand ghaRiyoN ke muskuraane se
(aarizaa : compensate)
kitne tuufaaN uTheNge saahil par
ek kashtii ke Duub jaane se
DhuuNd aayaa tujhe zamaane meN
tum kahaaN gum ho ek zamaane se
ab to duniyaa se jaa rahaa huuN maiN
lauT aao isii bahaane se
kis qadar baRh gayii hai lazzat-e-Gham
shiddat-e-Gham meN muskuraane se
(shiddat-e-Gham : intensity of pain)
daar hii ko gale lagaao “Shamim”
maut behtar hai sar jhukaane se
Shamim Jaipuri
Jaane kya samjha woh mujhe
Jaane kya samjhi main useN
Faasla nazar aaya....Kuch kadmon ke saath se
|