Bashir Badr

[@kaash]

abhii is taraf na nigaah kar mai.n Gazal ke palke.n sa.Nvaar luu.N









abhii is taraf na nigaah kar mai.n Gazal ke palke.n sa.Nvaar luu.N

meraa lafz lafz ho aa_iinaa tujhe aa_iine me.n utaar luu.N




mai.n tamaam din kaa thakaa huaa tuu tamaam shab kaa jagaa huaa
zaraa Thahar jaa isii mo.D par tere saath shaam guzaar luu.N




agar aasamaa.N kii numaa_isho.n me.n mujhe bhii izn-e-qayaam ho
to mai.n motiyo.n kii dukaan se terii baaliyaa.N tere haar luu.N


[izn-e-qaayam=command to stop]




ka_ii ajanabii terii raah ke mere paas se yuu.N guzar gaye
ji.nhe.N dekh kar ye ta.Dap hu_ii teraa naam leke pukaar luu.N

[@kaash]

bhiigii hu_ii aa.Nkho.n kaa ye ma.nzar na milegaa







bhiigii hu_ii aa.Nkho.n kaa ye ma.nzar na milegaa
ghar chho.D ke mat jaao kahii.n ghar na milegaa




phir yaad bahur aayegii zulfo.n kii ghanii shaam
jab dhuup me.n saayaa ko_ii sar par na milegaa




aa.Nsuu ko kabhii os kaa qataraa na samajhanaa
aisaa tumhe.n chaahat kaa samu.ndar na milegaa




is Khvaab ke maahaul me.n be-Khvaab hai.n aa.Nkhe.n
baazaar me.n aisaa ko_ii zevar na milegaa




ye soch lo ab aaKhirii saayaa hai muhabbat
is dar se uthoge to ko_ii dar na milegaa

[mittal_pali]

bashir badar is a great shayar. i like his shayari alot. thanks kash ji, for sharing this nice posts.