Pyaare bhaiyon aur bahno,
intzaar ki ghaDiyaan samaapt, jaisaa ke aapse humne vaadaa kiyaa thaa ke bahot jald hum aapke saamne nayee tasweer le kar aayenge, to usi ummeed ko kaayam rakhte hue , usi bharose ko banaate hue, hum ek baar fir se aapke saamne pesh hue hain us pratiyogita ke saath, jiskaa naam hai
Tasweer pe Tahreer..
hum aap sab ke shukrguzaar hain jinhone pahle ki tarah har baar hamaara saath diyaa aur is pratiyogitaa ko kaamyaab banaane ke liye hamaare saath rahe..
halaaki rules me kuch changes kiye gaye hain, aap is link par jaakar rules ko dobaara padh sakte haiN..
http://www.shayri.com/forums/showthread.php?t=77033
Is baar humne is tasweer par tahreer likhne ke liye aapko 15 days ka waqt dene ka nirnay liyaa hai,
aap apni post hame PM ke dwaara ji haan sirf aur sirf PM ke dwaara hi bhejen
directly thread pe post ki gayee entree maanya nahii hogii...
aapko entries bhejne ki deadline hai 30th of may 2014 raat 12 baje tak...
Polling start karne ki tareekh hogi
31/5/14 jise
15 din ke liye rakkha jaaega aur result declare karne ki tareekh hogi...
15/6/14..
Kahte hain tasweer bahot kuch khamoshi se kah jaati hai, jo zubaan nahi keh saktii, bas hame usi ehsaas ki zaruurat hai....
to doston aap sab ko ham sab ki taraf se dher saari shubhkaamnaaen aur mubaarakbaad.... to uthaaiye ek baar phir se apni kalam aur rang dijiye kore kaagaz ko apne rangeen jazbaaton se... wish you all the very best...
Thanks,
Team SDC