Jab tumhein yeh yaqeen ho jaye -
4th October 2010, 12:11 AM
Jab tumhein yeh yaqeen ho jaye
ke main tumhein kitna chahta hoon
Tumse kitni mohabbat karta hoon
To usi din tum laut aana
Tum mujhe apna paao ge
Jab tumhein aisa lage ke
koi tumhare sang nahi hai
koi tumhara humdum nahi hai
To usi din tum laut aana
Tum mujhe apna paao ge
Jab tumhain zindage dushwar lage
Jab koi umeed na koi aas ho
koi bhi na tumhare pass ho
To usi din tum laut aana
Tum mujhe apna paao ge
Agar kabhi yaadein bahut dukh de
Tanhaai ka ehsas bahut sataye
To usi din tum laut aana
Tum mujhe apna paao ge
Jab yuh lage tumhein ki
Tum ab ek qadam bhi nahi chal sakti
Mazeed is aag main nahi jal sakti
To usi din tum laut aana
Tum mujhe apna paao ge
Jab har saans bojh lagne lage
Tum andar hi andar tootne lago
To usi din tum laut aana
Tum mujhe apna paao ge
Na mile panah kisi key banhoon main
Aur shiddat se kisi ke zaroorat ho
To usi din tum laut aana
Tum mujhe apna paao ge
Jab yeh ehsas tumhein tadpane lage
Ki tum ne kabhi thukraya tha kisi ko
Yah phir koi tumhein thukra de
To usi din tum laut aana
Tum mujhe apna paao ge
Aankhoon main aajayein agar ashk tumhari
Aur koi shaks pochne wala na ho
koi ghum bant ne wala na ho
To usi din tum lautt aana
Tum mujhe apna paao ge
Koi todd de agar dil tumhara
Ho agar na koi muqabil tumhara
Tanhaai ka ehsas bahut satayein
To usi din tum laut aana
Tum mujhe apna paao ge
Yeh to dukh deti hain sada
Tumhein bhi yaadein satayein jab
Mehfil main bhi khud ko tanha pao
To us din tum laut aana
Tum mujhe apna paao ge
Yeh mera wada raha tumse
Jo kuch bhi maine kaha tumse
Yeh sab na bhool paoo ge
Tum mujhe sada,sada apna paoo ge,
newbornlyshayar
hemant
|