Shayri.com  

Go Back   Shayri.com > Shayri > Shayri-e-Mashahoor Shayar

Reply
 
Thread Tools Rating: Thread Rating: 2 votes, 5.00 average. Display Modes
zamaana-e-nau...by Akbar Allahabadi
Old
  (#1)
muKhlis
new-bee
muKhlis has a spectacular aura aboutmuKhlis has a spectacular aura aboutmuKhlis has a spectacular aura about
 
muKhlis's Avatar
 
Offline
Posts: 512
Join Date: Apr 2008
Rep Power: 9
zamaana-e-nau...by Akbar Allahabadi - 8th May 2008, 06:04 AM

Hi friends,

aaj maiN janaab-e-Akbar "Allahabadi" kaa ek kalaam pesh kar raha huN aur ummeed hai ki aap unkii pesheen_goiiyoN se ittefaaq kareNge aur apna sar dhuneNge. Akbar Allahabadi go k ek mazaaHiya shaa'or haiN magar unkii sanjeeda GhazleN bhii usii paaye kii haiN. N-joy!



ZAMAANA-E-NAU
(nayaa zamaana]


yeh maujooda tareeqe reh-e-mulk-e-'adam hoNge
naii tai'hzeeb hogii, aur naye saamaaN ba_ham hoNge

reh-e-mulk-e-adam = passage to the other world
ba-ham = available


naye 'unwaan say zeenat dikhaayegii HasiiN apnii
na aisaa pech zulfoN meN, na gesoo meN yeh Kham hoNge

unwaan = topic
zeenat = adorations/decorations
HasiiN = beauties
pech = curls
Kham = curls [as well] ise aksar saath saath bhi shaa'ir use karte haiN, ya'ni pech-o-Kham
gesuu = hair


na KhaatoonoN meN rai'h jaayegii parde ki yeh paabandii
na ghooNghaT iss taraH say Haajib-e-roo-e-sanam hoNge


KhaatoonoN = ladies
Haajib-e-roo-r-sanam = maHboob le chehre ko DhaaNpne-waalaa


badal jaayegaa andaaz-e-tabaa'-e-daur-e-gardooN say
naii surat ki KhushiyaaN aur naye asbaab-e-Gham hoNge

andaaz-e-tabaa-e-daur-e-gardooN = aafatoN aur balaaoN ke aane ke andaaz
asbaab = dabab ka plural-reasons


na paidaa hoNgii Khat-e-nasKh say shaan-e-adab_aageeN
na nastaleeq Harf is taur say zeb-e-raqam hoNge

hat-e-nasKh = urdu font kii likhaavaT
shaan-e-adab-aagiiN = pride of colorful literature
nastaaleeq = an urdu font
zeb-e-raqam = adoration of inscriptions


Khabar detii hai tahreek-e-havaa tabdeel-e-mausam kii
khileNge aur hi gul, zamzame bulbul ke kam hoNge

tahreek-e-havaa = movement of wind
tabdeel-e-mausam = changing of weather
zamzame = lamentations


'aqaayid par qayamat aayegii tarmeem-e-millat say
naya Ka'aba banegaa, maGhribii putle sanam hoNge


'aqaaid = aqeeda ka plural = faith
tarmeem-e-millat = change in format of the brotherhood


bahut hoNge muGhannii naGhma taqleed-e-europe kay
magar be_joR hoNge, iss liye be_taal-o-sam hoNge


muGhanni = gavaiya/singer
taqleed-e-europe = follower of Europe
sam = sur taal


humaari istalaahoN say zabaaN naa_aashna hogii
loGhaat-e-maGhribii, bazaar ki bhaasha meN zam hoNge

istalaaH = phrase/idioms/kahaavateN
naa-aashna = unfamiliar
loGhaat-e-maGhribi = western dictionary
zam = immersed


badal jaayegaa me'yaar-e-sharaafat chashm-e-duniya meN
ziyaada thay jo apne zo'am meN, vo sab kam hoNge

me'yaar-e-sharaafat = sharafat ka standard
chashm-e-dunyaa = dunya kii nazar
zo'm = pride in power


guzishta 'azmatoN ke tazkire bhii rai'h na jaayeNge
kitaaboN hii meN dafn afsaana-e-jaah-o-hasham hoNge


guzishta = past/previous
'azmatoN = splendour
jaah-o-hasham = pomp and show


kisii ko is taGhaaiyur kii na Hiss hogii na Gham hoga
huye jis saaz se paida, usii ke zer-o-bam hoNge

taGhaiyur = shamefulness
Hiss = feelings
zer-o-bam = oopar neeche


tumheN is inqilaab-e-dai'hr kaa kia Gham hai? ai "Akbar!"
bahot nazdeek haiN vo din...na tum hoge, na hum hoNge!!!!!

inqilaab-e-dahr = world's revolutions




tu aur aaraa'ish-e-Kham-e-kaakul
maiN aur andesha_haa-e-dur o daraaz


Last edited by muKhlis; 8th May 2008 at 06:16 AM..
   
Reply With Quote
Old
  (#2)
zishan107
Registered User
zishan107 is a splendid one to beholdzishan107 is a splendid one to beholdzishan107 is a splendid one to beholdzishan107 is a splendid one to beholdzishan107 is a splendid one to beholdzishan107 is a splendid one to beholdzishan107 is a splendid one to behold
 
Offline
Posts: 449
Join Date: Apr 2008
Rep Power: 15
8th May 2008, 06:22 PM


badal jaayegaa andaaz-e-tabaa'-e-daur-e-gardooN say
naii surat ki KhushiyaaN aur naye asbaab-e-Gham hoNge


Janab ... kiya ghazal hai .






Wahi hai markaz'e'Kaaba wahi hai rah'e'buthaana...
Jahaan diwaane do milkar sanam ki baat karte hain..
   
Reply With Quote
Old
  (#3)
muKhlis
new-bee
muKhlis has a spectacular aura aboutmuKhlis has a spectacular aura aboutmuKhlis has a spectacular aura about
 
muKhlis's Avatar
 
Offline
Posts: 512
Join Date: Apr 2008
Rep Power: 9
8th May 2008, 08:19 PM

Quote:
Originally Posted by zishan107 View Post

badal jaayegaa andaaz-e-tabaa'-e-daur-e-gardooN say
naii surat ki KhushiyaaN aur naye asbaab-e-Gham hoNge


Janab ... kiya ghazal hai .

ji janaab...shukria. yeh sher mujhe bhi bahot pasand aayaa thaa jiskii nishaan-dehii apane farmaayii hai. shukria




tu aur aaraa'ish-e-Kham-e-kaakul
maiN aur andesha_haa-e-dur o daraaz

   
Reply With Quote
Reply

Thread Tools
Display Modes Rate This Thread
Rate This Thread:

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

Similar Threads
Thread Thread Starter Forum Replies Last Post
*~*Hungaamaa Hai KyuuN Barpaa-Akbar Allahabadi*~* farhana Shayri-e-Mashahoor Shayar 2 4th March 2006 06:16 PM
Qatl ( Akbar Alahabadi ) MohsinAli Shayri-e-Mashahoor Shayar 1 30th December 2005 03:08 AM
Guzraa zamaana NiGhTwAlKeR Shayri-e-Ishq 0 25th August 2004 06:38 PM
hangaamaa hai kyuu.N barpaa - Akbar Allahabadi kaatil Shayri-e-Mashahoor Shayar 0 15th April 2003 04:31 PM
Yeh Zamaana!!!!!!!!!!! Ishiqka Shayri-e-Dard 2 15th December 2002 11:00 AM



Powered by vBulletin® Version 3.8.5
Copyright ©2000 - 2014, Jelsoft Enterprises Ltd.
vBulletin Skin developed by: vBStyles.com