Gulshan ki faqat phoolon se nahin kaaton se bhi zeenat hoti hai,(Saba Afghani)
Gulshan ki faqat phoolon se nahin
kaaton se bhi zeenat hoti hai, jeene ke liye is duniya mein gham ki bhi zaroorat hoti hai. Ae waaiz-e-naadan karta hai tu ek qayamat ka charcha, yahan roz nigahen milti hain yahan roz qayamat hoti hai. Wo pursish-e-gham ko ayae hain kuch keh na sakoon chup reh na sakoon, khaamosh rahoon to mushkil hai keh doon to shikaayat hoti hai. Karna hi padega jabt-e-alam peene hi padenge ye aansoo, fariyaad-o-fugaan se aey naadaan tauheen-e-mohabbat hoti hai. Jo aake ruke daaman pe ‘Saba’ wo ashq nahin hai paani hai, jo ashq na chhalke aankhon se us ashq ki keemat hoti hai. jabt=suffer,bear Lyrics : Saba Afghani alam=pain fugaan=lamentation purshish=inquiry zeenat= beauty waaiz= preacher |
Hi
Quote:
AAP KA SHUKRIYAA KASHIF JI ISE SHARE KARNE KE LIYE REGARDS MANU |
Thanx for Sharing kashif jee!
~ Dhaval |
All times are GMT +5.5. The time now is 10:00 PM. |
Powered by vBulletin® Version 3.8.5
Copyright ©2000 - 2024, Jelsoft Enterprises Ltd.