Shayri.com

Shayri.com (http://www.shayri.com/forums/index.php)
-   Shayri-e-Dard (http://www.shayri.com/forums/forumdisplay.php?f=4)
-   -   Dheere dheere (http://www.shayri.com/forums/showthread.php?t=80656)

zainy 25th January 2022 06:15 AM

Dheere dheere
 
Ek Tarahi ghazal


Hua'a Bekhudi ka , asar dhiire dhiire
Idhar dheere dheere, udhar dhiire dhiire

Ajab tez raftaar , dhadkan hai dil ki
Mili jab nazar se, nazar dhiire dhiire

Shab e hijr kaa humse, aalam na pucho
Katey mere charoN , pahar dhiire dhiire

Mohabbat me pehle, sataaya hai jee bhar
Huye meherbaaN wo, magar dhiire dhiire

Badalti fizayeN , seekha deiN na tumko
badalne ka khud ko , hunar dhiire dhiire

Kaha tha ke wadoN pe qayem rahuNga
To kyuN ho gaye bekhabar dhiire dhiire

Chalakti hai ulfat,* ye nagmoN me mere
Inhe gungunaana , magar dhiire dhiire

Rah e ishq per jo, chale rafta rafta
Wahi ban gaye ham , safar dhiire dhiire

zainy 25th January 2022 06:17 AM

https://youtu.be/NleWwdjr_e4

..

zarraa 29th January 2022 01:58 AM

Wah Wah . Bahaut Khoob Zainy Ji

zainy 4th February 2022 11:43 AM

Shukriya zarraa sahab.........................

sameer'shaad' 16th February 2022 09:30 AM

Bahot khoob ghazal huii hai Zainy Saahiba... shukriyaa tashreef laane ke liye.

aur youtube link share karne ka bhi aabhar...

Shaad...

zainy 25th February 2022 11:27 PM

Bohat bohat shukriya shaad Bhai.....


All times are GMT +5.5. The time now is 08:01 PM.

Powered by vBulletin® Version 3.8.5
Copyright ©2000 - 2022, Jelsoft Enterprises Ltd.