Shayri.com

Shayri.com (http://www.shayri.com/forums/index.php)
-   Shayri-e-Ishq (http://www.shayri.com/forums/forumdisplay.php?f=2)
-   -   Totay Aainoon ki kirchian (http://www.shayri.com/forums/showthread.php?t=22346)

shahid_imran 30th April 2004 02:34 PM

Totay Aainoon ki kirchian
 
totay aainoon ki kirchian achi nahi lagteen
mujhay wadoon ki khali sipian achi nahi lagteen

guzashta rut kay rangon ka asar daikho kah ab mujh ko
khulay aangan main urtee titlian achi nahi lagteen

wo kia ujra nagar tha jiss ki chahat kay sabbab ab tak
hari bailon say uljhi tahnian achi nahi lagteen

dabay paaon hawa jin kay chiraghon say bahaltee ho!
mujhay aisay gharoon ki khirkian achi nahi lagteen

bhalay lagtay hain tufanon say lartay badbaan mujh ko
hawa kay rukh pay chaltee kashtian achi nahi lagteen

yah kah kar aaj uss say bhee ta'aluq tor aaya hoon!
maree jaan mujh ko zidi larkian achi nahi lagteen

kisi ghar main rasan basta rahain jo raat din Mohsin
mujhay aksar wo sahmi hirnian achi nahi lagteen


All times are GMT +5.5. The time now is 10:34 AM.

Powered by vBulletin® Version 3.8.5
Copyright ©2000 - 2021, Jelsoft Enterprises Ltd.