Naye Saal Per SDC Ko Ek Tohfa... :)
SDC ke sabhi members ko mera namaskar! Aaj kafi dino baad aana hua hai. Kuch dosto.n ki naraj-gi bhi lazimi hai… Socha naye saal ke avsar per aap sabse ek ehsaas share karun jise maine kai varsh pehle shabd diye the. Pesh kar rhi hu. Gaur Kijiyega: Suraj ke chehre pe aaj nayi lali hai, Sone si chamakti genhu Ki har ik bali hai… Patton pe giri oas deti hai ehsaas nayi umang ka, Dhundh ko cheerti pawan deti hai ehsaas nayi taraNg ka… Aaya hai naya varsh toh ye badlaav to hona hi hai, Beete gum bhula is varsh ka swagat to hona hi hai… Aao ek sankalp karein iss naye varsh mein hum: Khushiyon ko door jaane na denge hum, Gumo.n ko paas aane na deNge hum… Ab chahein koi bala aa jaye, Iss varsh ko to sukfad bana ke raheNge hum… ~Ritu |
Quote:
RITU Ji............ Boht KHubsurat Rahi Aap ki Ye Pur-Azm Nazm.... Boht Khubsurat KHayalaat Or Khubsurat Alfaaz Se Murassa Ki Hai Aap Ne Ye Saal-e-Nau Ki Nazm.......... Dheron Daad Qabool Farmaiye.... Khush Rahiye |
Quote:
Umdaa Nazm ... Naye Saal Par ! Aap Ko Bhi Nav Varsh Ki Haardik ShubhkaamnaayeN ... ! Aati Raha KareN ... AchChaa Lagaa Arse Baad Aapko Yahaa Dekhkar ! Dilee Daad O Mubaaraqbaad !!! |
All times are GMT +5.5. The time now is 06:52 AM. |
Powered by vBulletin® Version 3.8.5
Copyright ©2000 - 2024, Jelsoft Enterprises Ltd.