Waaaaah...badi hi umda Gazal padi hai aapne Maikash
saheb...
Daal kabul farmata hun...
-vij
Quote:
Originally posted by maikasH
ek taaza Ghazal bazm ki nazar :
mulaizaa farmaayeN
shaKhs voh mehbuub sa jab se be'gaana ho gaya
saaGhar-o-meena se apna dostaana ho gaya
jo kabhi rehtaa tha aaNkhoN meiN khwaaboN ki tarah
usko dekhe dosto ab ik zamaana ho gaya
sun'ne laga tha voh meri fariyaad lekin haaye haaye
lab hilaaye the ki kehta hai, kahaa na, ho gaya
jab talak the aashna tum raasta humvaar tha
ab to na'mumkin hi qadmoN ko badhaana ho gaya
ko'ii to ho mujhse kahe jo aa ke maikhaane meiN yaar
ab chalo ghar bhi bohat peena-pilaana ho gaya
yuuN bhi to barbaad hona hi tha mujhko ai nadeem
uskaa bichadd jaana faqat achchaa bahaana ho gaya
ab sar-e-mehfil hamaare zikr pe kehte haiN voh
choRiye jee ab to yeh qissa puraana ho gaya
hai koi allah ka baNda jo kahe jaa kar unheiN
aapse ho kar judaa "maikash" diwaana ho gaya
maikash
|