[Taish]

Wah kamaal ki sanjeedgi hai sabhi ki... bahut dukh ho raha hai yahaan aur isse pehle ki do posts pe logoN ka reply aur baat karne ka lehja dekh kar. Moderators se main bhi har baat pe sehmat nahin raha hun, balki bahut friction raha hai mera unke saath but I condemn the language used by most of the people during this entire issue.

Nazneen ji aapko ek example deta huN, kisi shayar ka ek sher kisi ko bahut pasand aata hai aur kisi ko nahiN, aisa isiliye hota hai kyuNki har kisi ka sher ko interpret karne ka tareeka alag hota hai... Ab aapka sher kisi ko utna pasand nahiN aaya to isme kya gunah ho gaya, aur uske baad aapne jo lehja istemaal kiya hai usse jarur dukh hua mujhe... Zara ghaur kijiyega meri baat pe..

Praneeta d aapko bhi main kaafi waqt se jaanta hun, aur is tarah se vyavhaar karte pehli baar dekh raha hun, main maanta hun mods kayi baar yahaaN dictating ho jaate hain, par kya uske liye hum apni jubaan bhi gandi kar leN...?? kya ye sahi hai...?? soch kar dekhiyega...

@fathomless saaheb, janaab aapse darkhwast hai kisi pe bhi is tarah ki tippani na karen to ahcha hai, shaad saaheb aur uffaq saaheb dono ahche shooraan hain, ab ho sakta hai ek jagah aap unse sehmat na hon par iska ye matlab nahiN ki aap unka aanklan us hisaab se kareN..kyuNki main nahin maanta ki personalized tippani ya comments kisi ko bhi yahaan kisi ke liye bhi istemaal karne ka haq hai...


Baanki shayad is muamle ko ab aaraam dena hi behtar hai, agar naraazgi hai to kalaam me dikhaye, usse kuch constructive hoga, ek choti si baat jo ki PM me clear ki jaa sakti thi, uska itna issue ban jana bahut dukhad hai...

Agar meri baat buri lage to aap mera virodh karne ke liye swatantra haiN... Par mujhe jo galat dikha vo maine keh diya...

@Mods I am sorry to say another glimpse of a very bad management, plz koi senior mod aa ke is baat ko khatm kare yahiN pe, shuruat se cheezoN ko clarify karke, taaki kisi ke liye kisi ke bhi dil me karwahat na rahe...

Khuda Hafiz