Quote:
Originally Posted by sameer'shaad'
Ab agar aur sitam hoNge to mar jaaeNge,
khaa-ma-khaa ham se hunarmand guzar jaaeNge.
wo jo kahte hain zamaane me maseehaa khud ko,
mere zakhmoN ko jo dekhenge muqar jaaeNge.
Aaj ke daur me apnoN se ummeedeN rakh kar,
ham sare aam nigaahoN se utar jaaeNge.
tere dar se bhi sakhaawat jo na mil paaegii,
tere maNgte mere mahboob kidhar jaaeNge.
ashq bahte hain to bah jaane do rukhsaaroN pe,
aapke gham ke shaguufe to nikhar jaaeNge.
ek nazar uth gayee jo aapki jaanib meree,
aap khushboo se hawaaoN me bikhar jaaenge.
ham hain wo raah ke chal deN to ufaq tak jaaeN,
ek tum tak jo chalenge to thahar jaaenge.
wo jo ghazloN me teraa naam likhaa karte they,
kisne socha thaa miyaaN Shaad bhi Dar jaaenge..
ShaaD.....
|
Waaaaaaaaah! Shabdon mein bayaan karna mushkil hai ki kitni khubsurat hai ye ghazal, iski tareef karne ke liye main choti hun.
Reps added.
Isi tarah likhte rahiye, khush rahiye.